Европа
Порошенко, Путин, Меркел и Оланд во среда во Минск
Германската канцеларка Ангела Меркел и рускиот францускиот и украинскиот претседател, Владимир Путин, Франсоа Оланд и Петро Порошенико, ќе се сретнат во среда во белоруската престолнина Минск за да го склучат мировниот план за Украина и да избегнат „тотална војна“, објави официјален Берлин во неделата.
Четворицата државници, како што беше најавено претходно, во неделата претпладнето одржале долга телефонска конференција, соопшти кабинетот на германската канцеларка Ангела Меркел, во чие соопштение се наведува дека челниците „продолжија да работат на пакетот мерки во рамките на напорите околу глобалното решение на судирот“ во источна Украина. Подготовките ќе продолжат во понеделник во Берлин, за во среда во Минск да се одржи самит на кој ќе се соберат лидерите на четирите земји во ткн „нормандски формат“, според кусата средба којашто ја имаа во јуни минатата година при прославата на 70-годишнината од сојузничката инвазија на Нормандија во Втората светска војна.
Рускиот претседател Владимир Путин веќе во неделата го потврди одржувањето на самитот во Минск. „Се договоривме дека ќе се обидеме да организираме состанок на тој формат меѓу државните челници“, ја пренесе изјавата на Путин руската државна телевизија упатена до белорускиот претседател Александр Лукашенко. „Се подготвуваме за среда, дотогаш да успееме да се договориме за одреден број прашања за коишто интензивно разговаравме во последно време“, истакнал рускиот претседател.
Потписниците на договорот од Минск, од септември 2014 година, првиот обид да се реши судирот во источна Украина, „исто така, ќе се сретнат во Минск до средата“, се наведува во соопштението на кабинетот на Меркел. Станува збор за ткн Контактна група, којашто ја сочинуваат претставниците на владата на Украина, на рускојазичните бунтовници од Донецк и Луганск, на Русија и на Организацијата за безбедност и соработка во Европа (ОБСЕ).
Разговорите во Минкс се дел од мировната иницијативата за „последната шанса“ којашто во четвртокот ја покренаа францускиот претседател и германската канцеларка поради влошувањето на ситуацијата во Украина. Оланд и Меркле во четвртокот во Киев повеќе од десет часа разговараа со претседателот Порошенко и потоа во петокот пет часа во Кремљ со Путин, пресретнувајќи ги американските најави за скорешна можна испорака на смртоносно оружје, што според нив само ќе ја влоши ситуацијата и ќе доведе до разгорување на конфликтот и тотална војна во источна Украина.
Вашингтон од минатата седмица се’ позачестено објавува дека размислува за дополнително воено помагање на Украина, вклучително и со ткн смртоносно оружје, но Париз и Берлин се одлучни во отфрлањето на воената опција. Меркел во саботата изјави дека стравува дека снабдувањето со вакво оружје на украинските сили би го предизвикала рускиот претседател Путин, и смета дека тоа би довело само до зголемување на бројот на жртвите кој од април 2014-та веќе надмина 5.300.
„Франција и Германија во моментов се обидуваат во Украина да постигнат мир, не на хартија“, изјави во неделата францускиот министер за надворешни работи Лорен Фабиус на меѓународната конференција за безбедност во Минхен./крај/мф/сн
Француско-германскиот мировен план предвидува поголема автономија за одметнатите региони, изјави за AFP еден висок неименуван функционер на американскиот Стејт департмент.
Всушност, станува збор за гарантирање на специјалниот статус на источниот украински регион познат како Донбас во кој се доминантни рускојазичните Украинци и етничките Руси, кој беше договорен со септемвриската Минска спогодба а по предлог на претседателот Порошенко го усвои Врховната Рада. Овој договор ја проширува и демилитаризираната „тампон“ зона предвидена исто така со една од 12-те точки од договорот во Минск, од 30 на 50 до 70 километри од линијата на раздвојување меѓу конфронтираните страни.
Според извори блиски на францускиот претседател Оланд, остануваат нерешени уште неколку прашања, меѓу кои се статусот на териториите кои ги заземаа бунтовниците во контраофанзивата од минатото лето, за која пред извесно време американскиот државен секретар Џон Кери рече дека е проширена на 1.300 квадратни километри. Порошенко во саботата тврдеше дека постои само една линија на фронтот, онаа од договорот од Минск заклучно со септември 2014 година, додека од тогаш според него бунтовниците заземале дополнителни 500 квадратни километри, а истовремено предупреди дека продолжуваат и интензивните борби.
Исто така, треба да се реши и прашањето за повлекување на тешкото оружје, на што исто така повикуваше рускиот претседател Путин во писмото пред две седмици упатено до украинскиот колега Порошенко. Но се чини едно од најжешките прашања ќе биде контролата на границата, бидејќи Западот тврди дека преку неа минуваат руски војници и опрема во Донбас, а Москва во повеќе наврати одлучно тоа го отфрли и бараше веродостојни докази за таквите тврдења.
Во последните 24 часа, според штабот на украинската армија, биле убиени 12 украински војници и 70 припадници на проруските милиции. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.