Европа
Порошенко: Разговорот со Меркел и Оланд дава надеж за примирје
Мировниот план кој во украинската престолнина Киев го изнесоа германската канцеларка Ангела Меркел и францускиот претседател Франсоа Оланд и ој во петок во Москва ќе му биде претставен и на рускиот претседател Владимир Путин, дава надеж во постигнување примирје во побунетиот рускојазичен исток на Украина,соопшти доцна ноќта во четвртокот кабинетот на украинскиот претседател Петро Порошенко.
Преговорите коишто во четвртокот доцна попладнето започнаа во Киев, со учество на украинскиот претседател, германската канцеларка и францускиот претседател „даваат надеж во примирјето“, истакнува украинското претседателство во соопштението откако беше откажана, од засега не објаснети причини, заедничката изјава на Петро Порошенко, Ангела Меркел и Франсоа Оланд која беше најавена за доцна вечерта.
Порошенко истакнал дека сите страни мора да го почитуваат мировниот договор потпишан од ланскиот септември во белоруската престолнина Минск.
Според информацијата којашто во текот на ноќта ја објави германскиот дневен весник Sueddeutsche Zeitung, која германската влада експресно ја демантираше, планот предвидува „моментално склучување примирје“ во замена за „поголемата автономија којашто би им се одобрила на сепаратистите на поголема територија од онаа која досега беше предвидувана“..
Како што изјави на 22-ри јануари Кери, бунтовниците успеале досега да ја прошират на околу 1.300 квадратни километри зоната којашто ја контролираат.
„Тие информации не се точни“, изјави портпаролот на германската влада, а за AFP ги демантираше и висок неименуван украински дипломатски извори.
Меѓутоа, треба да се потсети на сличната конфузија кога минатата есен токму за време на посетата на Меркел на Киев, нејзиниот министер за надворешни работи изјави дека едно од решенијата е федерализација на Украина, што првично го бараа проруските бунтовници, пред да ги прогласат ткн „народни републики“ во Донецк и Луганск, на што Киев се противеше, по што канцеларката изјави дека Штајнмаер ја споменал федерацијата „во германското поимање“ на овој термин. Но подоцна парламентот на Укриана по иницијатива на претседателот Порошенко изгласа специјален статус за одметнатите региони познати под заедничкото име Донбас.
Засега останува непознато за што се разговарало во текот на работната вечера на тројцата челници. А украинските медиуми истакнуваат дека најавената заедничка изјава беше откажана.
Од друга страна кабинетот на канцеларката Меркел ноќта кон петокот објави дека основа за преговорите на челниците на Германија и Франција во петокот во Москва ќе бидат 12-те точки од Миснката спогодба, кои инаку на почетокот од септември го меѓусебен телефонски разговори како нацрт ги договорија претседателот Путин и Порошенко.
„Во петок Меркел и Оланд ќе допатуваат во Москва, каде што ќе разговараат со рускиот претседател Владимир Путин за ситуацијата во Украина. Основа за преговорите ќе бидат 12-те точки од сеопфатната минска спогодба“, се наведува во соопштението што го цитира РИА Новости.
Таканаречениот Мински протокол од 12 точки, кој го потпишаа претставниците на Киев, од една, и на побунетите Луганск и Донецк, од друга страна, со посредство на Организацијата за безбедност и соработка во Европа (ОБСЕ) и Русија, потпишан на 5-ти септември, меѓу другото предвидуваше прекин на огнот, повлекување на тешкото вооружување од линијата на раздвојување на 30 километри, во длабочина, размена на заробениците по принципот „сите за сите“, како и голем број политички договори со обврската Украина да донесе закон за специјалниот статус за областите во Донецк, што беше подоцна и сторено.
Иницијативата е во текот на претпладнето од Париз ја објави францускиот претседател. „Ќе изнесеме нов предлог за решавање на конфликтот кој ќе се темели на територијалниот интегритет на Украина. Одиме да разговараме за тоа со претседателот Порошенко, а во петок во Москва ќе разговараме со рускиот претседател“, рече Оланд.
Меѓутоа, тој ништо не кажа за содржината на француско-германскиот предлог. „Дипломатското решение не може да се одложува во недоглед“, предупреди Оланд потсетувајќи дека Франција по тоа прашање се разијдува со САД. „Франција не влегува во расправата за испорака на смртоносно оружје на Украина“, истакна./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.