Европа
Пoрошенко вели дека во Украина има 9.000 руски војници, Меркел се надева на напредок во преговорите
Украинскиот претседател Петро Порошенко изјави во средата на Светскиот економски форум во швајцарски Давос дека на украинска територија се наоѓаат 9.000 руски војници и ја повика Русија да ги повлече, а истовремено германската канцеларка Ангела Меркел изрази надеж дека разговорите на четирите земји кој треба да се одржи во среда навечер во Берлин, свикани за спречувањето на најновата спирала насилства на истокот од Украина, може да доведат до некој напредок, но исто така предупреди дека примирјето се распаѓа.
Во говорот пред форумот во швајцарскиот зимски центар Давос, украинскиот претседател Петро Порошенко изјави дека поддршка на руските војници им дава тешкото вооружување како што се тенкови и и артилериски батерии. „Ако тоа не е агресија, тогаш што е?“, запраша Пороченико и ја повика Мосвка да се придржува до мировниот план и да соработува во контролата на долгата граница со Украина и да ги повлече руските единици од нејзината територија.
Украинската армија исто така објави дека Русија натрупала сили на истокот од Украина и дека нападите на русјозаичните бунтовници се засилиле, бидејќи настојуваат да освојат што повеќе територија, откако со контраофанзивата од август минатата година ги потиснаа украинските сили далеку зад поранешната линија на фронтот и избија до приморскиот град Мариопул.
Претходно во Москва, рускиот министер за надворешни работи Сергеј Лавров на прес-конференција повторно тврдеше дека Русија на ниеден начин не е воено вклучена во судирот во југоисточна Украина и ги отфрли уште еднаш тврдењата на Киев и на Западот за руско воено присуство во соседната земја пак барајќи од нив да ги изнесат доказите за тоа.
„Секогаш велам: доколку нешто тврдите со таква увереност, покажете ги доказите. Но никој не може да го покаже доказите или тоа не сака. Оттаму, пред да побарате од нас нешто на престанеме да го правиме, ве молам да ги покажете доказите дека тоа го правиме“, порача шефот на .руската дипломатија
Истовремено ги обвини земјите членки на НАТО и на ЕУ дека со доставување оружје спротивно на прописите на Европската унија и Организацијата за безбедност и соработка во Европа (ОБСЕ), всушност ги поттикнуваат воинствените струи во Киев кои решението на кризата го гледаат преку воен пат. Лавров побара од Украина веднаш да ги прекине нападите и да го повлече тешкото вооружување од линијата на раздвојувањето, како што е договорено со една од точките од Минската спогодба за прекин на огнот.
Шефот на руската дипломатија призна дека рускојазичните бунтовници под своја контрола имаат поголема територија отколку што било предвидено со мировниот договор од почетокот на ланскиот септември постигнат во белоруската престолнина Минск, но истакна дека добил убедувања од челниците на бунтовници дека се подготвени да се повлечат на демаркационата линија договорена во Минск.
Бунтовниците своите акции ги оправдаа со обвинувањата дека украинската армија довела нови сили на боиштето и дека не се придржувала до договорот од Минск во кој според една од 12-те точки тешкото вооружување требаше да биде повлечено од двете страни во широчина од 30 километри од линијата на раздвојувањето. Киев, пак ги обвинува дека заземале 500 квадратни километри територија од договореното.
Лавров прес-конференцијата ја одржа неколку часа пред да отпатува во германската престолнина Берлин, каде што за украинската криза ќе разговара со колегите од Украина, Германија и Франција.
Во пресрет на средбата германската канцеларка Ангела Меркел изјави дека „Целат, секако, е исто така да се разгледа дали е дојдено до некаков напредок во подготовката за можниот четиристран самит во Астана (казахстанската престолнина каде што требаше минатата седмица да биде одржана самит со учество на челниците на Украина, Русија, Германија и Франција, но беше откажан поради зголемувањето на насилството во источните украински региони – з.р.). Не сакаме уште еден состанок на претседателите кој нема да даде резултат“, изјави Меркел на заедничката прес-конференција со азербејџанскиот претседател Илхам Алиев.
„Се надевам делка вечерва ќе видам некои контури (на можниот самит). Меѓутоа, не сакам многу да полагам надежи. Јасно е дека примирјето е сé покревко“, заклучи Меркел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.