Контакт

Европа

Порошенко – во Дебалцево е нападнат договорот, за Путин ситуацијата е јасна

Објавено пред

Украинскиот претседател Петро Порошенко го осуди во вторникот навечер напредувањето на рускојазичните бунтовници во источниот град Дебалцево како „циничен напад“ врз мировниот договор постигнат на 12-ти февруари во Минск, додека за рускиот претседател Владимир Путин ситуацијата во овој стратешки железнички јазол е јасна, односно украинските војници кои се наоѓаат речиси цел месец во опсада се обидуваат со тешкото оружје да го пробијат обрачот и ги повика властите во Киев да не ги инсистираат украинските војници да не го положуваат оружјето и да се повлечат од градот.

dobivaj vesti na viber

„Тоа е циничен напад врз договорот од Минск“, изјавил украинскиот претседател Петро Порошенко во телефонскиот разговор со германската канцеларка Ангела Меркел, според соопштението од неговиот кабинет.

„Ги повикувам постојаните членки на Советот за безбедност на ОН да ги спречи натамошните кршења … и масивната воена операција во срцето на Европа“, го цитира Reuters украинскиот претседател.

Официјален Киев соопшти дека рускојазичните бунтовници успеале да заземат во вторникот дел од Дебалцево, како и дека украинските војници водат улични борби со нив. Меѓутоа, бунтовничките команданти соопштија дека од утрото украинските сили се обиделе да го пробијат нивниот обрач, како и дека украинските војници почнале масовно да се предаваат, и оти до доцна попладнето нивните сили контролираат повеќе од две третини од градот.

Заменикот на командантот на силите на самопрогласената ткн „народна република“ во Донецк, Едуард Басурин, изјави дека како и претходно оставен е ткн „зелен коридор“ за повлекување на украинските војници кон внатрешноста на Украина, но дека од Киев настојувале околу пет илјади војници да останат да го бранат стратешкиот град кој е длабоко во територијата којашто ја контролираат бунтовниците на патот меѓу двата бунтовнички центра Донецк и Луганск.

Рускиот претседател Владимир Путин, пак, одговарајќи на новинарски прашања на заедничката прес-конференција со унгарскиот премиер Виктор Орбан во Будимпешта, рече дека од утрото во вторникот „лошо завршил“ обидот на украинските единици се обиделе да го пробијат обрачот.

„И денеска утрото имаше уште еден обид, јас не знам дали тоа го имаше во медиумите, не успеав тоа да го следам, околу 10 часот утринава беше направен обид да се деблокираат од обрачот украинските вооружени сили. Тој заврши лошо“, одговорил Путин.

„Јас многу се надевам дека одговорните лица во украинското раководство нема да им попречуваат на украинските војници да го положат оружјето“, порача рускиот претседател.

Според Путин, она што сега се случува во областа на Дебалцево било предвидливо и потсети дека веднаш по потпишувањето на договорот од Минск минатиот четврток, во петокот повика украинските војници да го положат оружјето и безбедно да се повлечат од градот.

„Она што сега се случува таму, може да се објасни и беше предвидливо, бидејќи според нашите сознанија, најмалку една седмица пред состанокот во Минск, групата украински војници таму беше во опкружување. Јас токму за тоа зборував, дека оние што се во обрачот ќе се обидат да го пробијат или од надворешна страна ќе се обидат да ги деблокираат, а милицијата (како што Москва ги нарекува формациите на бунтовниците во источна Украина – з.р) која ги држи единиците во обрачот ќе се спротистави на тоа. И тоа неизбежно ќе доведе, на еден или друг начин, уште извесно време да се одвиваат судири“, рече Путин, пренесува РИА Новости.

Киев тврди дека овој град, кој е важен железнички јазол во источните региони треба да го контролира украинската војска, бидејќи во моментот на потпишувањето на договорот тој беше под контрола на неговите сили, додека бунтовниците тврдат дека Дебалцево се наоѓа длабоко во територијата којашто ја контролираат тие, која според една од одредбите на договорот од Минск ќе добие специјален статус и поголема автономија.

Дебалцево, коешто има големо регионално значење, од крајот на ланскиот јули, кога украинската армија поведе офанзива за враќање на контролата на прозападните власти во Киев врз одметнатите рускојазични источни региони, е под контрола на украинската војска. Покрај економското значење како еден од најголемите железнички јазли во Украина, Дебалцево има и воено стратешко значење, бидејќи како клинец навлегува длабоко на територијата која е под контрола на бунтовниците, и од таму може да се вршат напади врз градовите кои тие ги имаат под контрола, како Горловка, Енакиево, Шахтерск, Лисичанск и Стаханов,/крај/мф/сн

Извор: Макфакс

Европа

Голем руски напад врз Украина, Полска ги подигна борбените авиони

Објавено пред

Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.

dobivaj vesti na viber

„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.

Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.

Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.

Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.

Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.

Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.

„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.

Југоисточниот дел на Полска се граничи со Украина, додаде Ројтерс.

Прикажи повеќе...

Европа

Автобус повторно се преврте на автопат во Германија, патниците биле средношколци

Објавено пред

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.

dobivaj vesti na viber

Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.

Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.

Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.

Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.

Прикажи повеќе...

Европа

Украина се обидува да ја убеди Индија да застане на страната на Киев, а не на Москва

Објавено пред

Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.

dobivaj vesti na viber

Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.

Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.

Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.

Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.

Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.

Русија ја отфрли таа украинска дипломатска иницијатива.

Прикажи повеќе...

Најново

Македонија1 час

Притвор од 48 часа за две лица кои се задржани по убиството на лекарот во Железара

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје...

Регион2 часа

Почна нова детална потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион3 часа

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа3 часа

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет3 часа

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа3 часа

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија15 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија15 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија17 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија19 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија20 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија21 час

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ22 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија22 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија22 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија1 ден

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет1 ден

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет1 ден

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија1 ден

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион1 ден

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...