Европа
Последна офанзива на Камерон и Милибанд пред изборите во четврток
Три дена пред одржувањето на најнеизвесните парламентарни избори во Велика Британија, лидерите на двете водечки партии, британскиот премиер Дејвид Камерон, кој е на чело на конзервативците, и лидерот на опозициските лабуристи Ед Милибанд, им порачуваат на британските гласачи дека сега е времето да се одлучат, пренесува BBC.
Двете страни во предизборната офанзива играат на различни карти. Додека Конзервативната партија се фокусира на намалувањето на даноците, главниот адут на Лабуристичката партија е спречувањето на приватизацијата на Националната здравствена служба.
Камерон преку социјалните мрежи јасно и гласно им порача на гласачите дека Британија се соочува со едноставен и неминовен избор.
„Стабилност и силна влада со мене, или хаос со Ед Милбанд“, им порача Камерон на Британците, предупредувајќи ги дека ризиците се реални и присутни, односно дека доколку на изборите победат лабуристите, поддржани од Шкотската национална партија (SNP), тогаш ќе има застој во економското опоравување на земјата.
„Алтернативата е во четврток да гласате за конзервативците. Ние ќе продолжиме со долгочниот економски план со цел обезбедување стабилна влада, силна економија и посветла иднина. А во средиштето на нашиот план е намалување на даноците во полза на 30 милиони луѓе“, порачува Камерон.
Истовремено, лидерот на лабуристите Ед Милибанд предупредува дека ториевците сакаат поголема приватизација, пришто најзагрозена ќе биде Националната здравствена служба.
Тој ќе ги повика конзервативците „да ги изнесат на виделина“ плановите за судбината на Националната здравствена служба, тврдејќи дека тие имаат намера да реорганизираат оваа служба и да ја вклучат во приватниот сектор, наведува BBC.
„Знаеме дека победата на Дејвид Камерон ќе значи тежнеење кон поголема приватизација, многу неисполнети ветувања и голем број на луѓе кои подолго ќе чекаат на лекување“, порачува Милибанд.
Според резултатите од анкетите во земјата, двата главни опоненти, на изборите кои ќе бидат одржани во четврток, стојат рамо до рамо во однос на поддршката од Британците – и едните и другите ја уживаат довербата на 33 проценти од гласачите.
Антиевропски настроената Партија за независност на Британија (UKIP), има поддршка од 15 проценти од испитаниците, додека коалицискиот партнер на Камерон, либералдемократите, имаат поддршка од десет отсто.
Претстојните избори би можеле да влијаат и на останувањето на Британија во ЕУ, како и на судбината на самата земја, односно на останувањето на Шкотска во Британија.
Камерон вети референдум за останување во ЕУ, додека, пак, Милибанд е против референдум, а додека веројатноста дека некоја од двете партии во изборната партија ќе освои апсолутно мнозинство е мала, резултатот ќе биде коалициска влада во која повторно би можела да влезе Либаралдемократската партија, која досега се спротивставуваше на референдум, но последните денови го ублажи својот став./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Два питбула убија 13-месечно дете, трагедија во Италија
Утрово, во Италија, во провинцијата Салерно, два питбула го нападнале тринаесетмесечното момче Франческо Пио Д’Амара и го убиле. Кучињата го нападнале во дворот на селската куќа. Мајка му и вујко му се обиделе да го спасат, но кучињата ги повредиле и нив. Според првите информации на полицијата, која на местото на несреќата пристигнала со возило на брзата помош, сопствениците на кучињата биле познајници на мајката. Кучињата биле пуштени на слобода во дворот на семејната куќа, а тие го нападнале детето бидејќи го гледале или како играчка или како закана.
Паола, мајката на детето, по несогласувањата со сопругот, се преселила во Камполонго, каде што изнајмила дел од селската куќа во која живеела сама со синот. Питбулите им припаѓале на сопствениците на куќата, кои живееле во друг дел од двокатната зграда, пишува „Салерно кориере“.
Според соседите, кучињата досега не покажале знаци на агресија. Градоначалникот на Еболи, Марио Конте, изјави дека администрацијата ќе ги сноси трошоците за погребот на детето. Во Италија не постои список на потенцијално опасни кучиња. Во 2006 година Министерството за здравство донесе правилник во кој беше вклучен список на раси што се сметаат за опасни, но оваа одредба подоцна беше укината.
Европа
Европа се загрева најбргу: објавен алармантен извештај
Заедничкиот извештај објавен од „Коперник“ (Службата за следење на климатските промени на ЕУ) и Светската метеоролошка организација (СМО) откри загрижувачки нови податоци. Имено, Европејците преку ден страдаат од невидена топлина, а навечер се под стрес поради непријатните горештини.
Европа е континентот што најбргу се загрева, предупредуваат експертите, затоплување со стапка далеку над глобалниот просек.
Стапката на смртност од топлина е зголемена 30 % во последните две децении во Европа. Економските загуби поврзани со временските услови и климата се проценуваат на 13,4 милијарди евра, според извештајот, како што објави „Гардијан“.
Според извештајот, температурите во Европа биле над просекот 11 месеци минатата година вклучувајќи го и најтоплиот септември од почетокот на евиденцијата. Поради жештините и сушата, имаше големи пожари, кои ги опустошија селата и ги задушија жителите на градовите.
Пожарите беа најинтензивни во јужноевропските земји, како Португалија, Шпанија и Италија. Грција беше погодена од најголемиот шумски пожар во ЕУ, изгореа 96.000 хектари шума, се вели во извештајот.
Од друга страна, обилните дождови предизвикаа смртоносни поплави. Во 2023 година Европа беше околу 7 % повлажна од просекот во последните три децении. „Минатата година Европа беше погодена од најголемиот шумски пожар. Во исто време бевме сведоци на една од највлажните години, силни морски топлотни бранови и разорни поплави“, изјави Карло Буонтемпо, директор на „Коперник“.
Континентот ја доживеа најтоплата година досега. Северозападна Европа го доживеа најтоплиот јуни досега, а поголемиот дел од Европа беше погоден од топлотни бранови за време на продолженото лето од јуни до септември.
На врвот на топлотниот бран во јули, 41 отсто од јужна Европа беше погодена од силен до екстремен топлотен стрес, што ги влошува постојните здравствени состојби и може да го зголеми ризикот од болести.
На Пиринејскиот Полуостров и во Источна Европа имаше суша. Бројот на денови со снежни врнежи беше под просекот, се вели во извештајот, а недостигот на зимски снег во комбинација со летните топлотни бранови значеше дека глечерите на Алпите исклучително се топат. Во последните две години алпските глечери изгубија околу 10 % од преостанатиот волумен.
Сè уште не е сосема јасно како глобалното затоплување предизвикува сè повеќе и повеќе обилни врнежи. Потоплиот воздух може да задржи повеќе влага, што овозможува поекстремни бури. Но, од друга страна, поради сложеноста на климатските промени, врнежите не мора секогаш да се случуваат. Постои многу посилна врска помеѓу глобалното затоплување и топлотните бранови.
Извештајот не дава податоци за минатата година за бројот на смртни случаи поврзани со топлина, но се знае дека имало 70.000 дополнителни смртни случаи поврзани со топлина во 2022 година. „Бројот на смртни случаи поврзани со топлина веројатно ќе биде поголем во 2023 година“, рече климатологот Фридерике Ото од Империјал колеџ во Лондон.
Европа
Напад во Русија, двајца полицајци загинаа, еден повреден
Двајца полицајци се убиени, а еден е ранет кога неидентификуван напаѓач нападнал руска полициска единица во градот Карачаивск во Карачаевско-Черкезија, во Северен Кавказ, соопшти регионалниот оддел на Истражниот комитет на Русија.
Како што се наведува, денеска, непознато лице со огнено оружје пукало неколкупати во полициски одред во градот Карачајевск, а потоа напаѓачот ги украл службеното оружје и муницијата на полицијата, пренесува „Интерфакс“.
Потрагата по напаѓачот е во тек.