Европа
Повеќе илјади Британци изразија поддршка за ЕУ
Во поворки за поддршка на Европската унија одржани во саботата ширум Велика Британија, во Лондон, Бирмингем, Оксфорд и Единбург, учествуваа повеќе илјади повеќе илјади луѓе кои и покрај јунската референдумска одлука за истапување од ЕУ бараат потесна соработка на Британија со Унијата.
Во Лондон околу две илјади демонстранти околу пладнето прошетаа од Хајд Парк до Вестминстерскиот дворец носејќи ги знамињата на Европската унија и извикувајќи „Запрете го Брегзит!“ и „Потребна ни е ЕУ!“.
„Половина од земјата мисли дека излегувањето од ЕУ е лоша одлука. Не сакаме да ја напуштиме ЕУ, тоа е против текот на историјата. Всушност, повеќето од нас уште не можат да веруваат дека тоа излегување може да се случи“, вели 42-годишниот Дејвид Хилман, водач на организација за борба со сиромаштијата, алудирајќи на референдумот од 23-ти јуни на кој 52 отсто од Британците гласаа за излегување од Европската унија, пренесува AFP.
Овие протести се случија два дена пред почетокот на расправата во парламентот за интернет петицијата со којашто се бара одржување на втор референдум. Петицијата ја потпишаа повеќе од четири милиони луѓе.
Меѓутоа, сегашната премиера Тереза Меј, којашто во кампањата се заземаше за останување на Британија во ЕУ, изјави дека „втор референдум нема да има“, и дека одлуката за излегување ќе ја спроведе во дел, но временската рама за тоа уште не е донесена. Меј рече и дека на 50-от член од Лисабонскиот договор за ЕУ, кој ја уредува постапката на прекинување на врските со ЕУ, нема да се повика пред крајот на годианва, Велика Британија така ќе има период од две години за преговори за начините за излегување./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германија уапси две лица: соработувале со Русите, планирале да ја саботираат армијата
Две лица, кои, освен германско, имаат и руско државјанство, се уапсени во Германија поради наводно планирање саботирање воени објекти, вклучително и американски, со цел да ја поткопаат воената поддршка за Украина, соопшти денеска германското Обвинителство. Властите извршија претрес во домовите и работните места на двајцата осомничени, кои се обвинети дека работеле за странска тајна служба, се наведува во соопштението на Обвинителството.
Еден од осомничените, идентификуван како Дитер С., разговарал за можни заговори со лице поврзано со руската тајна служба од октомври 2023 година, се посочува во соопштението.
Дитер С. подготвувал бомбашки напади и палење во воени објекти, вклучително и оние со кои управуваат американските сили, се додава во соопштението.
Според магазинот „Шпигел“, еден од објектите е воената база „Графенвоер“, во јужната сојузна држава Баварија, каде што украинските војници се обучуваат да управуваат со американските тенкови „Абрамс“. Руската амбасада во Берлин не одговори веднаш на барањето за коментар.
„Намерата на акциите беше да се поткопа воената поддршка што Германија и ја дава на Украина против руската воена агресија“, се вели во соопштението на германските обвинители.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.