Европа
Путин го потпиша законот на непожелните невладини организации
Рускиот претседател Владимир Путин го потпиша во саботата законот со кој на властите им се забранува работата на странска невладина организација за којашто ќе проценат дека работи против интересите и законите на Руската Федерација, кој го критикуваа активистите за човекови права.
ОБСЕ побара од рускиот претседател Владимир Путин да стави вето на овој закон, кој по мислењето на странските невладини организации претставува „облик на репресија против критичарите на власта“. Пред три години беше донесен друг закон кој Западот и тамошните невладини организации го сметаа за контроверзен, кој се однесува на ткн „странски агенти“, со кој сите активисти и невладини организации во Русија мора јавно да објават од каде се финансираат и дека работата како странски активисти.
Во текстот од законот кој во текот на изминатата седмица ја мина процедурата во двата парламентарни дома и го доби потписот на претседателот, се наведува дека „делувањето на некоја странска или меѓународна невладина организација која претставува закана за уставните темели на Руската Федерација, на одбранбената способност или сигурноста на владата, може да биде прогласена за непожелна“, се истакнува во соопштението од Кремљ.
Приврзаниците на законот го сметаат за неопходна мерка на претпазливост, откако ЕУ и САД отворено издвоија големи буџети за финансирање медиуми и активисти во Европа и во Русија со кои треба да ја „соопштуваат вистината“ за украинската криза.
Законот им овозможува на властите да го забранат дејствувањето на некоја невладина организација во Русија и кривично да ги гонат нејзините вработени, на коишто им се заканува парична казна или до шест години затвор или забрана за влегување на руската територија.
Овозможува, исто така, овозможува блокада на банкарските сметки на таквите организации и забрана за нивен пристап до медиумите, додека руските организации кои добиваат средства од организации кои се прогласени за непожелни мора да ги покажат сметките за своите активности./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.