Контакт

Европа

Путин и Порошенко два часа разговараа зад затворени врати

Објавено пред

 Првата директна средба меѓу рускиот и украинскиот претседател Владимир Путин и Петро Порошенко којашто се одржа зад затворен и врати во белоруската престолнина Минск, заврши по два часа доцна ноќта кон средата соопшти Кремљ, додека шефицата на дипломатијата на ЕУ, Кетри Ештон разговорот го оцени како „срдечен и позитивен“, пренесуваат агенциите.

dobivaj vesti na viber

Путин и Порошенко првпат се сретнаа во Франција на 6-ти јуни на одбележувањето на 70-годишнината од истоварувањето на сојузничките војни во Нормандија, непосредно пред полагањето на претседателската свечена обврска на Порошенко кој дојде на власт по револуцијата на прозападните опозициски сили во Киев.Средбата се одржа по мултилатералните преговори со останатите челници на земјите од Царинската унија (Русија, Белорусија и Казахстан), и претставниците на Европската унија, високата претставничка за заедничка надворешна и безбедносна политика Кетрин Ештон, и еврокомесарите за трговија и за енергија, Карел де Гухт и Гинтер Итингер, како претставници на Европската комисија. Домаќинот на самитот на кој се разговараше за односите меѓу Царинската унија и Украина, откако оваа земја ја потпиша спогодбата за слободна трговија со Европската унија, белорускиот претседател Александр Лукашенко коментираше дека средбата меѓу неговите руски и украински колеги биле „тешки“.По завршувањето на средбата со Путин, украинскиот претседател Петро Порошенко од Палатата на независноста во Минск, каде што се одвивала средбата, веднаш заминал без да дава изјави за новинарите. Порошенко се упатил во украинската амбасада во Минск, каде што се очекува дека ќе има брифинг со украинските медиуми.Советникот на Путин, Дмитриј Песков пред средбата на рускиот и украинскиот претседател изјави дека ќе се разговара за многу теми. „Ќе се разгледа внатрешната украинска криза, и страшната хуманитарна катастрофа во источниот дел од земјата, и неопходноста од прекин на огнот. Покрај тоа, според него неизбежен бил и разговор за билатералните односи меѓу Москва и Киев во светлина на потпишаниот договор за слободна трговија и приближување меѓу Украина и ЕУ и „беспоговорно притоа прашањето за енергетската соработка е најкрупното“. Ештон која учествуваше претходно на преговорите изјави дека укажала на потребата од прекин на огнот во Украина, соодветен надзор на руско-украинската граница, можноста за испорака на хуманитарна помош во согласност со меѓународните норми, како и на политичкиот процес кој ќе овозможи брзо решавање на „внатрешните непријателства“ во Украина.„Беше срдечно и позитивно. Се чувствуваше дека товарот е на сите. Сите се трудеа да дадат сѐ од себе за да се изнајде најдоброто решение за овој проблем“, изјави Ештон за медиумите.„Ја ценам средбата како целосно позитивна“, изјави рускиот претседател Владимир Путин по состанокот со Порошенко во Минск. „Не знам навистина како сето тоа ќе заврши. Но, сепак, имавме можност уште еднаш да ја искажеме нашата загриженост и да се договориме да ја интензивираме работата во трипартнитата работна група во состав Русија, Украина и ЕУ и да се погрижиме до 12-ти септември да формулираме предлози“, изјави Путин во врска со претходната мултилатерална средба којашто траеше три часа.„Ни од далеку нашите колеги не се согласија со сите наши аргументи, но во секој случај се сослушавме и се договориве да го интензивираме разменувањето на мислења, да се потрудиме да најдеме барем некакво решение“, рече Путин.Но доколку не постигне,ме никаков договор и нашата загриженост не биде земена предвид, ние ќе бидеме принудени да преземеме мерки за заштита на нашата економија, и ние кажавме какви ќе бидат тие мерки“, изјави Путин без да навлегува во поединости.За средбата со Порошенко, рускиот челник рече дека имаат исти размислувања оти е неопходно да се обнови руско-украинскиот дијалог за енергетската сфера, вклучително и за проблемот со гасот. Путин смета дека Украина ѝ ја ускратила можноста на Русија да осигура погодности во цената за гасот со тужбата пред Стокхолмскиот арбитражен суд. Според него гасниот проблем меѓу Москва и Украина влезе во ќорсокак. „Не е голема тајната, ‘Газпром’ го зема и го отплати авансот за транзитот на рускиот гас во Европа, а украински ‘Нафтогаз’ го зеде и го врати тој аванс, практично суспендирајќи го транспортот на рускиот гас до европските потрошувачи. Повратот на средствата за транзитот бара макотрпно испитување од нашите партнери, европските и украинските“, рече рускиот претседател./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Кремљ за евентуалното блокирање на „Телеграм“: „Сè повеќе станува алатка во рацете на терористите“

Објавено пред

Портпаролот на Кремљ, Дмитриј Песков, денеска изјави дека во моментот не се планира блокирање на социјалната мрежа „Телеграм“ во Русија.

dobivaj vesti na viber

„Не, во моментот нема такви планови“, изјави Песков за каналот „Шот“ на прашањето дали Русија планира да го блокира „Телеграм“.

Тој додаде дека основачот на оваа платформа, Павел Дуров, треба повеќе да внимава како се користи оваа социјална мрежа.

„Секако, би очекувале поголемо внимание од Павел Дуров бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација сè повеќе станува алатка во рацете на терористите, се користи за терористички цели“, рече портпаролот на Кремљ, пренесува „РИА новости“.

Како што изјави во средата за „РИА новости“ извор запознаен со ситуацијата, сторителите на терористичкиот напад во предградието на Москва биле регрутирани преку каналот на „Телеграм“, „Глас Хорасан“, сопственост на авганистанското крило на Исламската држава.

Пратеникот на државната Дума од Обединета Русија, Олег Морозов, денеска оцени дека е неопходно да се развие механизам за автоматско блокирање на каналите на „Телеграм“, кои регрутираат терористи користејќи клучни зборови користејќи вештачка интелигенција.

Прикажи повеќе...

Европа

Шолц: Мирот во Украина е можен во секој момент, само ако Путин ги повлече своите војници

Објавено пред

Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, „варварска“ кампања и ги повлече војниците.

dobivaj vesti na viber

Шолц за „Маркише Агемајне Цајтунг“ изјави дека секогаш имало иницијативи за посредување.

„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.

Како што тврди, токму тогаш на виделина излегле „масакрите“ во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.

„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.

Тој изјави дека имало разговори и за безбедноста во нуклеарната централа Запорожје и за размена на затвореници.

„Голем број земји, вклучително и Украина, во моментов разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата „варварска“ кампања и да ги повлече трупите“, истакна Шолц.

Прикажи повеќе...

Европа

В недела голем тест за Ердоган: ќе успее ли „султанот на Турција“ повторно да ја освои власта во Истанбул и Анкара

Објавено пред

В недела во Турција ќе се одржат општински избори, а во оваа пригода партијата на претседателот Реџеп Таип Ердоган (АКП) ќе се обиде да ја врати контролата врз Истанбул и Анкара, градови што гласаа против АКП во 2019 година.

dobivaj vesti na viber

Аналитичарите тврдат дека овие избори ќе бидат мерка за поддршка на Ердоган на национално ниво, но и за силата на опозицијата, особено на градоначалникот на Истанбул, Екрем Имамоглу. Според „Ројтерс“, се очекува тесна трка за градот Босфор, кој е дом на повеќе од 16 милиони луѓе и придонесува повеќе од една четвртина од националниот БДП.

На последното локално гласање во 2019 година главната опозициска Републиканска народна партија (ЦХП) го изненади Ердоган кога преовлада во Истанбул и Анкара ставајќи крај на повеќе од две децении владеење на АКП и нејзините исламистички претходници.

Главниот противник на актуелниот градоначалник на Истанбул, пратеникот на ЦХП, Имамоглу, е членот на АКП, Мурат Курум, поранешен министер во кабинетот, а анкетите покажуваат мала предност за Имамоглу. Анкетите велат дека актуелниот градоначалник на Анкара, Мансур Јавас, е далеку пред противникот на АКП, Тургут Алтинок, поранешен претседател на општина во тој град.

Речиси 11 милиони луѓе имаат право на глас во Истанбул, според Врховниот изборен совет. Одѕивот на општите и локалните избори е многу висок во Турција, речиси 90 проценти. Минатиот мај Ердоган беше реизбран за претседател и неговата алијанса освои мнозинство во парламентот на тесни општи избори, резултат што, според „Ројтерс“, ја поделил и деморализирал алијансата ЦХП и другите опозициски партии.

Буџетот на Истанбул е многу поголем од сите други 80 града во земјата со 516 милијарди лири (16,05 милијарди долари) во 2024 година вклучувајќи ги и нејзините подружници, а буџетот за главниот град Анкара, од друга страна, е 92 милијарди лири.

Освен во Истанбул и Анкара, резултатите се очекува да бидат блиски и во градовите Бурса, Адана и Анталија. В недела Турција ќе гласа и во другите 79 провинции во земјата за лидери и окружни шефови на провинции, окружни совети и локални администратори.

Прикажи повеќе...

Најново

Македонија3 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет3 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет3 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија4 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион4 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет4 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет4 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија19 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија20 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија21 час

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија22 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија23 часа

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...