Европа
Путин: Нездрави се ‘стравувањата’ дека Русија ќе го нападне НАТО
Рускиот претседател Владимир Путин ги нарече нездрави стравувањата дека Русија наводно би можела да го нападне НАТО и изрази увереност дека „некои земји“ едноставно профитираат на тие стравови.
„Што се однесува на загриженоста на некои земји во врска со можни агресивни дејствија на Русија,мислам дека само нездрав човек, и тоа на сон, може да си претстави дека Русија наеднаш ќе го нападне НАТО“, изјави рускиот претседател во интервјуто за италијанскиот дневен весник Corriere della Sera, кое беше во саботата објавено на страницата на Кремљ пред посетата на Владимир Путин на Италија.
Путин смета дека некои земји едноставно „профитираат на стравот во однос на Русија“. „Некои сакаат да ја играат улогата на земји од линијата на фронтот, коишто поради тоа е потребно дополнително да бидат помагани: или на воен план, или на економски, финансиски, или на некој друг“, претпоставува Путин.
„Сакам да ви кажам – нема простор за страв од Русија. Светот се промени толку многу што луѓето при здрав ум не можат да си претстават таков воен конфликт со големи размери денес. Ние имаме со што да се занимаваме, ве уверувам“, одговора Путин.
Истакнува дека идејата за наводната руска закана „нема никакви основи“. „Но некој би можел да биде заинтересиран да ги поткрепува таквите стравувања. Можам само да изразам претпоставка“, додаде рускиот челник.
Путин претпоставува, особено, дека „на Американците не многу би сакале зближување на Русија и Европа“.
„Да претпоставиме дека САД сакаат да ја задржат својата водечка улога во атлантската заедница. Ним им е потребна надворешна закана, неопходен им е некој надворешен непријател за тоа да го сочуваат тоа лидерство. Иран, очигледно е недоволен, не е таа опасност, не е толку страшен. Од каде одеднаш кризата во Украина?. Русија е принудена да реагира. Можно е тоа да е специјално направено, јас не знам. Но ние тоа не го правиме“, вели во инаку обемното интервју Путин./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.