Европа
Путин првпат по десет дена се појави во јавноста
Како што беше потврдено доцна вечерта во неделата, рускиот претседател Владимир Путин се појави во понеделникот во јавноста по десет дена отсуство што предизвика разни нагаѓања за причините за неговата отсутност, за да се сретне со киргистанскиот колега Алмазбек Атамбаев во Санкт Петербург.
Двајцата челници, како што беше најавено во соопштението на Кремљ, ги започнале разговорите за унапредувањето на соработката меѓу Русија и Киргистан, во прв ред во сферите на трговијата и вложувањата, како и во културата и енергетиката.
Состанокот со киргистанскиот претседател Алмазабек Атамбаев е првиот јавен настан на кој Владимир Путин се појави по неговото повлекување од јавноста пред десет дена кој предизвика бројни шпекулации, во прв ред во западните медиуми и на социјалните мрежи, од болест, некои медиуми, пак, објавија дека неговата партнерка, откако се разведе од сопругата му родила дете, па дури и дека умрел. Путин не се појави во јавноста од 5-ти март кога во Москва се сретна со италијанскиот премиер Матео Ренци. Неговото исчезнување од јавноста, откако ненадејно ја одложи средбата со челниците на Казахстан и на Белорусија, беше повод за шпекулациите.
„Само што Владимир Владимирович (Путин) ме возеше, самиот управуваше, само за да има помалку трачеви“, изјави Атамбаев на почетокот од средбата. „Рускиот претседател не само што оди, туку и вози“, истакна киргистанскиот претседател додавајќи дека тоа им го кажува на новинарите за да се стивнат разните слухови.
Путин, пренесуваат западните медиуми, го слушал Атамбаев смешкајќи се а потоа кусо додал „Би било здодевно без трачеви“.
Изминатите денови портпаролот на Кремљ Дмитриј Песков неколкупати го демантираше сите шпекулации за здравјето на Путин, илустрирајќи го тоа и со забелешката дека „ „претседателот е толку здрав што може да ви ја искрши раката при ракување“.
Ова, инаку, не е првпат да се појавуваат шпекулации за здравствената состојба на Путин. Кон крајот на 2012 година тој откажа и одложи неколку патувања во странство што доведе до шпекулациите за неговото здравје и дека не може да поднесе долги авионски патувања. Западните медиуми потсетуваа изминатава седмица и дека во 2010 година, иако прекриено со шминка, неговото лице изгледало како да минало третман за затегнување. Тогаш беше официјално одговорено дека е само заморен и дека тоа било последица на слабото осветлување./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.