Европа
Путин: Русија ќе ги надмине тешкотии наметнати однадвор и ќе стори сé Украина да го надмине сложениот период
Рускиот претседател Владимир Путин во средата на одбележувањето на годишнината од присоединувањето на црноморскиот полуостров Крим на руската Федерација, што западот го смета за нелегална руска анексија на украинска територија, се шегуваше во врска со обвинувањето за улогата на Москва во украинската криза порачувајќи дека Русија ќе ги надвладее тешкотиите кои „самите се создадоа“, и истовремено дека неговата земја ќе стори сé што зависи од неа за Украина што побрзо да го надмине „сложениот период“.
Русија ќе ги надмине тешкотиите кои се обидуваат да ѝ ги наметнат однадвор, рече претседателот Владимир Путин на концертот-митинг во Москва по повод првата годишнина од присоединувањето на Крим, што во Русија се доживува како негово враќање во матицата, на кој според процените на московската полиција се собрале 110.000 луѓе.
„Секако, ние ќе ги надминеме сите проблеми и тешкотии со кои се обидуваат да не натоварат однадвор. Тие, воопшто, е бескорисно во однос на Русија“, порача Путин.
Рускиот претседател, исто така, порача дека Русија ќе стори сé е во нејзина моќ Украина што е можно поскоро да го надмине тешкиот период во својот развој и воспоставување на нормалните меѓудржавни односи. „Ние од своја страна ќе сториме сé, што од нас зависи, за Украина да го мине сложениот период од својот развој што поскоро, и сé со цел да се обновата нормалните односи меѓу државите“, реле Путин на митингот.
„А самите ние ќе тргнеме напред, ќе ја јакнеме нашата државноста, ќе ги надминеме тешкотиите кои ние со вас така лесно си ги создадовме себеси во текот на последниот период“, се пошегува Путин.
Изрази убеденост дека украинскиот народ објективно ќе ги оцени дејствијата коишто ја доведоа Украина „до таквата состојба“. „Ние во Русија отсекогаш верувавме дека Русите и Украинците се еден народ. Јас така мислам и во моментов. Се разбира, екстремниот национализам секогаш е штетен и опасен. И јас сум убеден дека украинскиот народ и ќе даде достојна и објективна оцена за активностите на оние коишто ја доведоа земјата во состојбата којашто е денес“, реле уште Путин.
Со звуците на патриотски песни во центарот на руската престолнина илјадниците московјани се собраа под мотото „Заедно сме непобедливи“.
Прославувањето на првата годишнина од присоединувањето на Крим, каде што 62 отсто од населението е етнички руско, започна 16-ти март на денот кога во 2014 година на овој црноморски полуостров, откако прозападните сили во Киев го соборија претседателот Виктор Јанукович и ги сменија властите во регионите, беше одржан референдум за враќање на автономијата укината во 1990-те со осамостојувањето на Украина од поранешниот Советски сојуз и за присоединувањето кон Руската Федерација. Според организаторите присоединувањето е прифатено со над 96 отсто од излезените избирачи чиј одѕив беше над 83 проценти од двомилионското население на полуостровот. Два дена подоцна руската Дума со гласање ја прифати референдумската одлука а претседателот Путин го потпиша указот. Западот, кој ова го смета за нелегално според меѓународното право руска анектирање на украинска територија, поради што ги воведе политичките и економските санкции против Русија.
Организацијата Amnesty International во средата објави исцрпен извештај за кој не појасни како е составен, смета дека локалните власт од тогаш водат „непрекината кампања на заплашување за да ги замолкнат критичарите“. „Локалните власти се користат со широка лепеза репресивни мерки за да ги замолчат оние кои поинаку мислат“, истакна директорот на оваа организација за Европа и средна Азија, Џон Далхујсенб зборувајќи за „бранови грабнувања во март и септември“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.