Контакт

Европа

Путин: Санкциите нема скоро да бидат укинат, Киев си го отсекува Донбас

Објавено пред

Рускиот претседател Владимир Путин во текот на традиционалното годишно одговарање на прашањата на граѓаните во ткн „Директна линија“ емитувана во живо во четвртокот на три руски телевизиски и радио канали рече дека не очекува дека санкциите што Западот ги воведе против Русија поради нејзината наводна улога во кризата во Украина, а притоа се осврна и на ситуацијата во Украина, односите со Западот.

dobivaj vesti na viber

„Кога станува збор за санкциите, одржавме состанок со претприемачите и реков дека санкциите нам наскоро да бидат укината, бидејќи тоа е исполитизирано прашање. Мораме да ја искористиме оваа ситуација за да достигнеме ново ниво на развојот“, рече рускиот претседател Владимир Путин.

Смета дека санкциите против Русија „не се многу ефикасни“ и дека да се врши притисок врз неа преку санкциите е „бескорисно и бесмислено“, како и дека е потребно да се изнајдат компромиси.

На прашањето дали тие би можеле да останат на сила подолг период, на пример со децении, како во случај на некои други земји, Путин одговори дека Русија не може да биде споредена со другите земји. „Русија не е Иран. Руската економија е далеку поголема и далеку поразновидна, и ние не водиме таква политика во областа на енергетиката каква што има иранската економија“, појасни рускиот претседател.

Говорејќи за економската ситуација во Русија, Путин рече дека приходите опаднале поради инфлацијата. „Голем е притисокот врз рубљата. Тоа зависи од цените на нафтата. За жал, нашата економија е многу зависна од нафтата и тешко е тоа да биде променето. Многу нешта зависат од нас. Најважно е да ги користиме софистицираните начините на управување“, рече.

Путин тврди дека руската економија заздравува и дека постојат основните услови за натамошен раст. „Руската економија ќе се опорави за околу две години, можеби дури и побрзо. Рубљата зајакна, така што не можете да кажете дека не е сторено ништо. Ги повикувам сите да бидат стрпливи. Владата тргна по вистинскиот пат напред“, смета рускиот челник. Според него, Русија го преживеала врвот на проблемите, и покрај нивното постоење инфлацијата е пониска отколку во еврозоната.

Запрашан за договорот за испораката на ракетните противвоздушни системи С-300 на Иран и разговорите на шесте светски сили за нуклеарната програма на Техеран, Путин потсети дека тој договор е потпишан уште во 2007 година и дека во 2010 година тогашниот руски претседател, сега премиер, Дмитриј Медведев, го суспендираше во врска со меѓународните санкции поради иранската нуклеарна програма.

Путин истакна дека одлуката за обновување на тој договор е донесена поради волјата и флексибилноста на Иран да изнајде компромисно решение со Западот во врска со својата нуклеарна програма. „Денес има јасен знак дека иранските партнери имаат волја да најдат компромиси за нуклеарното прашање. Сите страни потврдија дека договорот ќе биде постигнат и затоа ја донесов таа одлука. Можеби нашите колеги не се запознаени со фактот дека санкциите на ОН не ја вклучуваат воената опрема“, подвлече Путин. Притоа повторно истакна дека испорака на системите С-300 на Иран „апсолутно не го загрозува Израел“. Станува збор инаку, за одбранбени ракетни системи.

Говорејќи за ситуацијата во Украина, изјави дека властите во Киев „со својата рака го отсекува од себе Донбас, и во тоа е проблемот“. Рече, исто така, дека сегашното украинско раководство прави многу грешки, но и дека тоа е нивниот избор.

Запрашан за наводното присуство на руски војници во Украина, Путин одговори „Нема руски војници во Украина. Началникот на Генералштабот на украинската армија самиот тоа отворено го потврди“.

Путин смета дека украинскиот претседател Петро Порошенко имал можноста да искористи мирни методи за решение на кризата откако беше избран на должноста. „Барав од него да не ги обновува непријателствата, но тој сепак го стори тоа. Тоа е огромна грешка“, порача.

Рускиот претседател кажа дека во меѓународните прашања не се води симпатиите и антипатиите, туку од интересите на државата. „Ситуацијата сега е во ќорсокак. Постои само еден излез, придржување на договорот од Минск, на уставната реформа. Ние можеме да го изразиме нашето мислење и очекуваме дека сите наши партнери ќе ги спроведат договорите од Минск. Политичката ситуација може да се промени, но таму секогаш ќе има луѓе. Не правам разлика меѓу Украинците и Русите, тие во основа се ист народ“.

Истакна дека Русија е заинтересиран за излегување на украинската економија од кризата, како и дека Москва му излегува в пресрет на Киев кога станува збор за гасот и јагленот.

Путин, исто така, рече дека Русија од прозападните власти во Киев не очекува ништо, освен една работа – да ја третираат како рамноправен партнер и, секако, да ги почитуваат правата на етничките Руси. „Повторувам, заинтересирани сме за нормализација на односите со Украина и ќе сториме сé што можеме да тоа да го оствариме“, категоричен беше рускиот претседател.

Според Путин, во Украина се случило се случи замор на граѓаните од сиромаштијата, измамите, проневерите, корупцијата, а кога луѓето ќе се најдат во таква ситуација се обидуваат да го пронајдат излезот. Украинските националисти ја искористија таа ситуација, смета Путин.

Одбивањето да ги испорача платените носачи на хеликоптери „Мистрал“ од страна на Франција, нема да ги поткопа одбранбените способности на Русија, тврди претседателот.

Путин порача дека Русија ќе го почитува изборот на секој политички челник и држава во врска дали ќе присуствуваат на парадата на 70-годишнината од победата над нацистичка Германија во Втората светска војна во Москва, но за него јасно е дека врз одлуките на многумина влијае „вашингтонскиот реонски комитет“.

„Тоа е изборот на секој политички функционер посебно. Некој не сака да дојде, а некому тоа не му го дозволува вашингтонскиот реонски комитет“, рече Путин, алудирајќи во прв ред на чешкиот претседател Милош Земан кој по силните надворешни и внатрешни притисоци претходно седмицава изјави дека на 9-ти мај ќе присуствува во Москва, но дека се откажува од учеството во делегациите коишто ќе ја следат воената парада./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Уапсен Полјак: „Планирал убиство на Зеленски“

Објавено пред

Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.

dobivaj vesti na viber

Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.

Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.

Доколку биде прогласен за виновен, тој може да добие и до осум години затвор, се вели во соопштението за печатот.

Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.

Прикажи повеќе...

Европа

Столтенберг: НАТО работи на испорака на повеќе „Патриоти“ во Украина

Објавено пред

НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.

dobivaj vesti na viber

„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.

„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.

Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.

„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.

Прикажи повеќе...

Европа

(Видео) Катастрофални поплави во Русија, куќи под вода, илјадници евакуирани

Објавено пред

Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.

dobivaj vesti na viber

Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.

Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.

Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.

Прикажи повеќе...

Најново

Македонија7 часа

(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија

„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја...

Македонија7 часа

Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ

Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само...

Македонија7 часа

(Видео) Ковачевски: Со Мицкоски и ДПМНЕ е можно само враќање назад во изолација и режим, далеку од Европа

Со Мицкоски и ДПМНЕ е можно само враќање назад во изолација и режим, далеку од Европа, рече претседателот на СДСМ,...

Македонија9 часа

(Видео) „Мицкоски на чист бугарски јазик му кажа на Борисов дека го поддржува договорот“, рече Пендаровски во Виница

Како дел од изборната кампања, кандидатот за претседател Стево Пендаровски попладнево беше меѓу граѓаните на општина Виница. На прашање на...

Македонија13 часа

Министерството за здравство за приватните специјализанти: Решение ќе има после изборите

„Министерството за здравство секогаш се залага за подобрување на условите за работа на здравствените работници и соработници, кои меѓу нив...

Македонија17 часа

Наместо покачена 12 отсто, вработените во културата не добија никаква плата, од утре излегуваат на протести

Доколку до крајот на денот не им биде исплатена платата за март на 3.000 вработени во културата, од утре тие...

Македонија17 часа

Сексизам, дискриминација, навреди и говор на омраза од Пендаровски и лица вклучени во неговата кампања: Силјановска-Давкова со нова претставка

Гордана Силјановска-Давкова денеска поднесе нова претставка до Државната изборна комисија, Комисијата за заштита од дискриминација, ОБСЕ – Организација за безбедност...

Македонија17 часа

ДУИ симулира седница на која Бугарите влегоа во Уставот, Села е претседател на Собранието, а Османи на државата

„Европскиот фронт“ предводен од Демократската Унија за интеграција симулираше конститутивна седница на Собранието, со тоа, сликовито прикажувајќи што би се...

Македонија20 часа

Пендаровски: Ја вративме слободата, изградивме еднакво општество, имаме силна поддршка од најмоќните демократски држави

Кандидатот за претседател, Стево Пендаровски вчерашниот ден од изборната кампања го заокружи со граѓански митинг во Гостивар. Пред присутните Пендаровски...

Свет21 час

ЕУ воведе нови санкции за Иран

Лидерите на Европската унија вчера одлучија да ги зголемат санкциите против Техеран додека светските сили се обидуваат да спречат поширок...

Свет22 часа

Украина предупредува на трета светска војна пред клучната одлука во Америка

Украинскиот премиер изјави за Би-Би-Си дека ќе има трета светска војна доколку Украина ја загуби војната со Русија, апелирајќи до...

Македонија1 ден

Мицкоски: Пендаровски не ги критикува ДУИ и Ахмети, што значи дека е нивен привезок и втор кандидат за претседател

Народот знае дека гласот за Стево е глас за ДУИ, Али Ахмети и Артан Груби. Гласот за Стево е глас...

Топ2 дена

Обид за убиство во прилепскиот затвор: со нож избоден осуденик

Полицијата поднесе кривична пријава против С.Р.(28) и Д.К.(39), двајцата од Прилеп, поради убиство во обид. Од МВР информираа дека инцидентот...

Македонија2 дена

Арсовска: Министерката за култура успеа самата себеси да се побие и не одговори на ниедно прашање

Министерката за култура, Бисера Костадиновска-Стојчевска успеа самата да се побие и не одговори на ниту едно прашање коешто беше поставено,...

Топ2 дена

Кривична против Курто Дудуш: за директори на градинка именувал лица што не биле вработени таму

СВР Скопје – Единица за економски и компјутерски криминал поднесе кривична пријава против 49-годишниот К. Д., градоначалник на скопска општина...

Македонија2 дена

„Два месеца нема плата за вработените, а пред избори се примаат работници“ – „Национални шуми“ на протест

Триесет подружници се собраа пред Јавното претпријатие „Национални шуми“ со цел да го изразат незадоволството оти втор месец немаат добиено...

Македонија2 дена

Со Арсовска ќе се видиме на суд да објасни како јас сум знаела, а не сум пријавила пожар во Универзалната сала, најави министерката за култура

За министерката за култура Бисера Костадиновска-Стојчевска, вчерашните обвинувања од градоначалничката на Скопје, Данела Арсовска, се лаги, скандалозни тврдења и обид...

Македонија2 дена

Грејната сезона продолжува поради временските услови

АД ЕСМ ги информира потрошувачите приклучени на системот за централно греење со кој управуваат компаниите формирани од АД ЕСМ, како...

Македонија2 дена

Училиштата не може да објаснат како е направен изборот на фирмите за чии услуги плаќаат родителите: набавките за униформи за учениците, за фотографирање и за ужина се нетранспарентни

Центарот за граѓански комуникации го објави истражувањето „Отсуство на процедури, транспарентност и отчетност кај набавките што се финансираат со пари...

Регион2 дена

По високите температури, Србија во снег: мештаните шокирани

Силниот дожд во утринските часови на територијата на западна Србија прерасна во лапавица и снег, а на Златибор веќе е...