Европа
Путин за Panama Papers: Вашиот покорен слуга во документите го нема
Рускиот претседател Владимир Путин во четвртокот се огласи по неговото споменување во врска со аферата Panama Papers, во врска со милиони документи кои покажуваат како светски државници, славни личности и компании ги користат ткн даночни оази за да ги прикријат тековите на парите и да ги избегнат даноците, велејќи дека неговото име не е на ниеден документи и оти „нема што да се зборува за тоа“.
„Нашите противници, во прв ред, целат на единството и консолидацијата на руската нација, нашиот мултинационален руски народ. Тие се обидуваат да нé потресат однатре, за да бидеме послушни“, рече Путин
„Но, работата е во тоа што тие сториле. Што тие направија? Направиле информациски производ. Нашле мои пријатели и познаници, и замачкуваат“, изјави во четвртокот рускиот претседател Владимир Путин во текот на медиумскиот форум на регионални и локални медиуми во Санкт Петербург.
Додаде дека со такви објави се прават обиди да се оцрни Русија и да се прикаже „како што тие сакаат“, пренесува агенцијата РИА.
Голем број светски медиуми претходно седмицава објавија документи, коишто наводно припаѓаат на панамската адвокатска канцеларија „Mossack Fonseca“ и кои наводно докажуваат вмешаност на некои светски лидери и нивни блиски роднини и пријатели во офшор шеми за криење на капиталот и избегнување на плаќањето даноци, но автентичноста на документите сé уште никој не ја потврдил. Меѓу мноштвото познати личности се споменува и рускиот претседател, односно негови познаници и пријатели од детство со алузии и шпекулации дека или тој им го овозможил тоа, или дека го правеле во негова полза, а се наведува сумата од две милијарди долари.
На листите објавени во западните медиуми од Русија се споменуваат имињата на лица кои се наводни блиски на Путин, како бизнисмените Сулејман Керимов, Аркадиј Ротенберг, Јуриј Ковалчук, шефот на министерството за економски развој Алексеј Улјукаев, сопругата на портпаролот на Кремљ Дмитриј Песков, лизгачката Татјана Навка, виолинистот Сергеј Ролдугин.
„Постои одреден број пријатели на рускиот претседател, тој сторил тоа и тоа, и во тоа веројатно има елементи на корупција. Но не постои никакво елемент на корупција“, рече Путин во врска со споменувањето во документите на името на светски познатиот челист Сергеј Ролдугин.
Зборувајќи за Ролдугин, Путин изјави дека е горд што има такви пријатели. Според него, станува збор за брилијантен музичар, еден од најдобрите во земјата. Рускиот претседател додаде дека Ролдугин најверојатно се обидел да води бизнис како малцински акционер, но и дека не станува збор за суми изразени во милијарди долари.
„Речиси сите пари што ги заработил во странство, тој ги потрошил на набавка на музички инструменти во странство кои ги донесе во Русија Станува збор за скапи работи“, рече Путин додавајќи дека Ролдугин веќе неколку месеци е ангажиран на регистрација на тие инструменти во сопственост на државните институции, како и дека организира концерти и работи на промоција на руската култура во странство./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.