Европа
Ренци ја критикувал Германија на самитот на ЕУ
Италијанскиот премиер Матео Ренци отворено во петокот на самитот на Европската унија во Брисел ги критикувал германските политики во однос на банкарството, енергетиката, миграциите и Грција.
„Прикажувањето на Германија како спасител на европската економија не е нешто со што сите се согласуваат“, изјавил италијанскиот премиер Матео Ренци, пренесе Reuters.Ренци притоа изразил загриженост поради продажбата на 14 грчки регионални аеродроми на германскиот оператор „Fraport“, што е првата голема приватизација во која тргна владата на грчкиот премиер.Под притисокот на италијанската влада поради спасувањето на четирите мали банки, при што илјадници италијански мали инвеститори останаа без банкарските влогови, Ренци исто така го критикувал и германскиот финансиски систем.„Здравјето на италијанските банки денеска е подобро отколку здравјето на германските банки, не само затоа што ‘Intesa San Paolo’, најголемата банка во Италија, има двојно поголема капитализација од ’Deutsche Bank’, најголемата германска банка, туку и поради германските регионални банки, кои не се под надзорот на Европската централна банка (ECB), поради што, да бев Германец ќе бев многу загрижен“, истакнал италијанскиот премиер.Инаку пазарната капитализација на „Intesa San Paolo“ изнесува 52,2 милијарди евра, и е за 1,7 пати поголема од на „Deutsche Bank“.Критиките на Ренци се поврзани со планираното воведување нов европски систем за осигурување на штедните депозити, на што Германија се спротиставува бидејќи премногу би ги чинело нејзините банки.Германската канцеларка Ангела Меркле на самитот во Брисел го блокираше усвојувањето на заедничката изјава дека за тоа прашање брзо ќе се постигне напредок. „Нормално е одвреме навреме да има различни мислења, ова не е првпат“, рече.Кога станува збор за миграциите, Рим е предмет на критики поради тоа што не ги регистрирал сите имигранти кои пристигнале од северна Африка, пропуштајќи ги натаму во Европската унија.„ЕУ е таа којашто не ги почитува правилата, а не Италија“, возвратил Ренци. Истакнал дека Италија сега зема отпечатоци од прсти на повеќето имигранти, додека европскиот план да ѝ се помогне на неговата земја и да се префрлат азилантите во Германија и во другите европски земји во кои сакаат да заминат засега се покажа неуспешен.Ренци, исто така, ги нападнал и плановите на Берлин за удвојување на капацитетите на рускиот гасовод Северен ток – 2, со што уште повеќе руски гас би се довезувал директно во Германија.„Остана непријатното чувство, бидејќи минатата година беше блокиран Јужен тел (во кој беше вклучена во Италија) , а сега се појави планот да ги удвојат капацитетите за Северен ток, без никаква расправа. Затоа барав дискусија“, рекол Ренци./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.