Европа
Русија ја прослави победата над нацистичка Германија со голема воена парада
Русија традиционално во понеделникот ја одбележа 71-та годишнина од Победата во Големата татковинска војна, односно победата над нацистичка Германија во Втората светска војна со грандиозна воена парада на централниот московски Црвен плоштад под ѕидините на Кремљ.
Според традицијата, на плоштадот минуваа претставниците на сите видови и родови војски, со околу 10 илјади војници, минаа 135 единици на оклопните сили, а над Кремљ полетаа 71 авион и хеликоптер, меѓу кои и ловците „Су-35“, кои се користат во интервенцијата во Сирија.
Рускиот претседател ја искористи можноста да ја повика меѓународната заедница да се обедини во борбата против глобалниот тероризам.
„Мораме да се бориме против тој непријател, Русија е отворена за здружување на своите сили со оние на другите земји, подготвена да работи на формирањето модерен меѓународен безбедносен систем“, изјави Путин пред единиците на руската армија.
Според традицијата, воени паради се одржаа ширум Русија, како и на црноморскиот полуостров Крим, кој од 2014 година е во составот на Руската Федерација и во Донецк, кој е под контрола на рускојазичните украински бунтовници.
Мала параа беше организирана и во воздухопловната воена база Хмејмим, во северозападна Сирија, којашто Русија ја користи за кампањата на воздушните удари во оваа земја против екстремните исламистички групи како Исламската држава и Џабхат ан-Нусра, сириското крило на Ал Каеда./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.