Европа
Русија од Германија и Франција бара да го заштитат договорот од Минск
Русија во саботата ги повика Германија и Франција, како иницијатори и потписнички на договорот од 12-ти февруари во белоруската престолнина Минск, да влијаат врз Киев да не предизвикува нови насилства во рускојазичниот исток на Украина, со што се сака да се оправдаат намерите на САД да достават оружје за украинските власти.
Во интервјуто за руската државна телевизија, рускиот министер за надворешни работи Сергеј Лавров изјави дека стравува оти Киев би можел да инсценира провокации за да ги оправда некои струи во Вашингтон да започнат со испораките на смртоносно оружје за украинската армија. Конгресот на САД кон крајот на минатата година донесе закон за испраќање оружје во Украина, но претседателот Барак Обама сé уште не донел одлука за тоа, стравувајќи од можна ескалација на судирите.
„Апелираме за очигледни работ, да се дејствува на украинските власти за да се осигури дека обврските коишто беа преземени од страна на украинскиот претседател Петро Порошенко ќе бидат исполнети“, изјави Лавров во телевизиското интервју.
„Провокаторите во Киев може да зготват нешто во очекување дека тоа ќе влијае врз светската јавноста па да потече оружјето кон Украина. Сметам дека Берлин и Париз, како најважните европски играчи, мора да го спречат таквиот развој на ситуацијата“, изјави Лавров.
Според шефот на руската дипломатија, тој телефонски разговарал со германскиот колега Франк-Валтер Штајнмаер кој „се согласи дека е неопходно спроведување на договорот од Минск“. „Во понеделник во Берлин престојуваше Петро Порошенко. Ние сакавме од прва рака да добиеме впечатоци за неговите планови, бидејќи јавните изјави на украинскиот претседател не носат оптимизам“, рече Лавров.
Особено ги истакна изјавите на повеќе украински функционери, како онаа на заменикот на украинската претседателска администрација Виталиј Ковалчук за тоа дека и покрај договорот од Минск, изборите во побунетите региони ќе бидат спроведени само кога украинската армија ќе воспостави целосна контрола врз нив. „Во договорот од Минска јасно е кажано дека реформите, коишто мора да бидат направени во украинскиот устав, прецизно го претпоставуваат правото на тие региони да имаат свои органи за сигурност“, порача Лавров. Го повтори притоа несогласувањето со можноста за испраќање мировни сили на Обединетите нации во источна Украина, но истакна дека Русија е подготвена да се зголемат димензиите на набљудувачката мисија на Организацијата за безбедност и соработка во Европа (ОБСЕ), вклучително и со руски претставници./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.