Европа
САД ветуваат војници и опрема за новите сили на НАТО во Европа
САД во понеделникот ветија дека ќе дадат специјални единици, разузнавачка поддршка и друга софистицирана воена опрема за новите сили за брзо дејствување на НАТО во Европа, коишто би требале да одвратат можна идна наводна руска агресија, најави американскиот министер за одбрана, Ештон Картер, во текот на неговата посета на Германија.
Челникот на Пентагон, Ештон Картер, одржа говор во Германија, во кој ја обвини Русија дека се обидува да ја обнови советската сфера на влијание.
„Не сакаме студена, а не пак вистинска војна со Русија. Не сакаме од Русија да направиме непријател. Но бидете убедени дека ќе ги браниме своите сојузници, меѓународниот поредок втемелен на правилата и позитивната иднина која тој ни ја овозможува“, повтори Картер во говорот во Берлин.
Со избувнувањето на украинската криза, а особено по присоединувањето на Крим на Русија и бунтот на рускојазичното население во источните региони на Украина, САД и НАТО, го искористија тоа за да се доближат повеќе до руските граници. Речиси секоја седмица се одржуваат воени вежби во источна Европа и на Балтик, каде што се распоредени на подолг период повеќе војници и воена опрема, а Вашингтон неодамна објави дека го разгледува планот за долгорочно распоредување на тешка воена опрема за 5.000 војници на Балтикот и во Полска. Покрај тоа, на минатиот самит на НАТО во Велс беше донесена одлуката и за формирање на новите сили за брз одговор Very High Readiness Joint Task Force (VJTF).
Картер, кој во Минстер се сретна со европските членови на VJTF, изјави дека за американскиот .придонес кон овие сили е разговара со министрите за одбрана на земјите членки на НАТО подоцна седмицава во Брисел.
Американската поддршка би вклучувала разузнавачка логистика, помош во следењето, шпионирањето и извидувањето, што може да се однесува на беспилотни летала или авиони со екипаж, како и специјални единици, логистичка поддршка и софистицирана воена опрема.
Министерот за одбрана на САД изјави дека поддршката ќе вклучува и воен воздушен транспорт, како и прецизно наведувани оружја, што може да вклучува артилериско оружје, воздушна и поморска воена поддршка за операции на копно. „Тоа го правиме за VJTF,бидејќи САД се длабоко доследни на колективната одбрана на Европа“, рече Картер./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.