Европа
Седум украински војници се убиени на истокот
Седум украински војници ги загубиле животите во последните 24 часа во престрелки меѓу украинските безбедносни сили и рускојазичните милиции на југоистокот од земјата, соопшти во вторникот украинскиот Совет за државна безбедност и одбрана.
„Во последните 24 часа во пукања загинаа седум украински војници, а деветмина се ранети“, се наведува во соопштението на Советот, додавајќи дека станува збор за најголем број жртви во едно деноноќие од почетокот на годината.
Олександр Турчинов, секретар на Советот, во соопштението ги обвини бунтовниците дека наводно користеле тешко вооружување, какво што е забрането со договорот од Минск, Меѓутоа, како што забележува AFP, не навел поединости за околностите во кои загинале украинските војници.
Воениот портпарол, Олександр Мотузјањик, пак, изјавил дека станува збор за поединечни напади по должината на линијата на раздвојувањето на завојуваните страни.
„Непријателот последните 24 часа го засили огнот кон украинските позиции, По целата должина на боиштето се користат минофрлачи со калибар 82 и 120 мм“, изјавил на прес-конференција во Киев.
Веста за новите жртви доаѓа откако ноќта кон вторникот се одржа телефонскиот конференциски разговор во ткн, „Нормандиски формат“, односно челниците на Франција, Германија, Русија и Украина во кој „ја повторија својата определеност за договорот од Минск“ кој предвидува примирје меѓу завојуваните страни во источна Украина и „решителност за неговата целосна и што поскора примена“, соопшти во вторникот Елисејската палата.
Претходно Кремљ објави дека рускиот претседател од украинскиот колега барал „итно престанување на бомбардирањата на населените места во Донбас од страна на украинските сили“.
Од кабинетот на претседателот на Украина соопштија дека четворицата челници ја поддржале идејата за распоредување на полициска мисија на ОБСЕ во областа Донбас, како и зголемување на овластувањата на набљудувачката мисија на оваа европска организација.Ви украинскиот судир од летото 2014 година загинале околу 9.300 луѓе, а повеќе до 1,5 милиони се раселени, според податоците на Обединетите нации./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.