Европа
Шефот на француската дипломатија во Москва во сабота
– Лорен Фабиус, шеф на француската дипломатија
Францускиот министер за надворешни работи Лорен Фабиус најави во средата дека ќе отпатува во сабота во руската престолнина Москва на прославата на 70-годишнината од победата над фашизмот во Втората светска војна, којашто ќе ја бојкотираат поголемиот дел од западните земји поради наводната руска вмешаност во конфликтот во Украина.
Францускиот министер за надворешни работи Лорен Фабиус најави во средата дека ќе отпатува во сабота во руската престолнина Москва на прославата на 70-годишнината од победата над фашизмот во Втората светска војна, којашто ќе ја бојкотираат поголемиот дел од западните земји поради наводната руска вмешаност во конфликтот во Украина.
„Нема да присуствувам на парадата на Црвениот плоштад, но ќе положам венец и потоа ќе заминам во Кремљ“, потврди шефот на француската дипломатија во изјавата за радиото Europe 1.
Русија во саботата ќе го одбележи Денот на победата, 9-ти мај, со традиционалната воена парада, но според најавите таа ќе биде грандиозна и досега невидена на којашто ќе бидат првпат во јавноста прикажани повеќе од сто нови вооружувања и воени техники.
Повеќето западни челници ги одбија поканите на 9-ти мај да присуствуваат на денот одбележувањето на победат над фашизмот во Втората светска војна, поради наводните активности на Русија во полза на рускојазичните бунтовници во источна Украина, што Москва одлучно го одбива и бара докази за тоа, а за безредијата во соседната земја го обвинува Западот и во прв ред САД.
Варијантата сепак да се присуствува во Москва, со слична формулација како и шефот на француската дипломатија Лорен Фабиус, уште во април најави и германската канцеларка Ангела Меркел. Таа објави дека ќе ја посети Москва, следниот ден, на 10-ти април за да положи венец на Гробот на незнајниот јунак.
„Со Русија во моментот имаме многу длабоки разлики, вклучително и по прашањето за она што се случува во Украина. Сепак, според мене, многу е важно таму на 10-ти мај да положам заедно со рускиот претседател венец на Гробот на незнајниот јунак, за да им се одаде почит на милионите жртви, коишто лежат на совеста на Германија во Втората светска војна… Тоа е многу важно “, изјави канцеларката. на почетокот од мај
Претходно беше објавено дека за време на посетата на Москва, Меркел ќе се сретне со Путин на работна вечера, но сé уште нема потврда од двете страни за темата на разговорите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.