Европа
Шесто американски војници со тенкови се распоредуваат во Полска и на Балтик
Речиси шесто американски војници со тенкови и други возила ќе пристигнат викенд на воената вежба во Полска и во балтичките земји, објави во петокот навечер полското министерство за одбрана.
Американските војници ќе го заменат лесно вооружените падобранци и ќе учествуваат во ротациската вежба со којашто се има намера да се покаже поддршката на САД за источните земји членки на НАТО, се наведува во соопштението.Полското министерство за одбрана наведува дека целата на вежбата е „да се гарантира безбедноста на европските сојузници во однос на нивната агресија на Русија врз Украина“.„Американците се обучуваат за разместување на силите и за соработка со сојузнциите“, изјави Артур Голавски, портпаролот на вооружените сили.Полска, Латвија, Литванија и Естонија кои со падот на комунизмот останаа надвор од влијанието на поранешниот Советски сојуз на почетокот од 1990-те години, подоцна влегоа во Европската унија и во НАТО, а особено влегувањето во Алијансата на овие земји а со тоа и приближување до руските граници, Москва о смета за непријателски чин. Трите балтички земји во кои живеат значителни заедници на етнички руси кои во текот на почетокот од Втората светска војна беа анектирани од Советскиот сојуз во текот на големата војна даваа отпор со единци кои соработуваа со нацистичките германски сили. Заедно со Полска кај нив имаше стационирано советски сили до раните деведесетти години од минатиот век. Сега, особено трите балтички земји кои роскојазичното население го третира како „недржавјани“ по избивањето на украинската криза стравуваат дека Москва може да интервенира во заштита на своите сонародници.Според полскиот портпарол Голавски, од вкупно шесто американски војници, двесте од нив пристигнуваат во Полска со 12 тенкови „абрамс“, осум оклопни возила за пешадија „М2 бредли“, и повеќе десетици помошни возила./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.