Европа
Словачка и Чешка задоволни од нивото на санкциите на ЕУ против Русија
Премиерите на Чешка и Словачка, Бохуслав Слоботка и Роберт Фицо, коишто претходно седмицава бараа од Европската унија да не воведува престроги санкции против Русија, во саботата изјавија дека се задоволни од нивото и листата на ограничувања одобрени во петокот во Брисел, а Фицо истакна и дека Украина не би смеела да стане дел од НАТО во интерес на мирот во регионот.
Владите со левоцентристичка ориентација во Прага и во Братислава стравуваа за својот извоз во Русија.„Можам да потврдам дека чешките преговарачи успеаја да ги истакнат принципиелните приговори на нашата влада. Одобрениот план (за санкции) не претставува директна опасност за чешкиот индустрискиот извоз во Русија, особено алати и технологија за нафтена експлоатација“, изјави чешкиот премиер Бохумил Слоботка. Словачкиот премиер Роберт Фицо го изрази задоволството на Братислава што целите на словачките преговори со Брисел за санкциите против Русија „се постигнати 100 отсто“. „Го решивме проблемот на ликвидноста на банката која го загрози банкарскиот и финансискиот пазар на Словачка и околу 100 илјади клиенти на таа банка“, изјави Фицо во братиславската филијала на руската „Сбербанк“. Соботка и Фицо, исто така, последните денови изразија стравување од заострувањето на мерките во врска со извозот на артиклите за двојна, цивилна и воена намена. Шефот на владата на Словачка притоа ја истакна „геополитичката борба меѓу САД и Русија за влијание врз Украина“. Фицо, исто така, потенцираше дека Украина не би смеела да му пристапи на НАТО во интерес на светот и на регионот. Амбасадорите на земјите членки на ЕУ во петокот во Брисел постигнаа начелен договор за новиот список економски санкции против Русија, којашто ја обвинува за директно вмеѓување во судирот во источна Украина, Москва од своја страна оддовори дека е подготвена да одговори со против мерки, и истакна дека со ваквото решение за воведување дополни санкции токму во моментот кога во Минска двете украински судрени страни прогласија дека постигнале договор за прекин на огнот, всушност им дава поддршка на силите во Киев кои сакаат војна. Текстот на начелниот договор ќе биде доработен викендов и пишуваната процедура на усвојување ќе биде започната во понеделникот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.