Европа
Словачка сака алтернатива на задолжителните бегалски квоти
Словачка сака Европската унија да се откаже од планот за распределба на барателите на азил и да започне да работи на алтернативно решение, изјави во петокот словачкиот премиер Роберт Фицо, повторувајќи го својот став дека трајниот систем на квотите е политички мртов.
Словачка сака Европската унија да се откаже од планот за распределба на барателите на азил и да започне да работи на алтернативно решение, изјави во петокот словачкиот премиер Роберт Фицо, повторувајќи го својот став дека трајниот систем на квотите е политички мртов.
Европската комисија во мај годинава ја предложи реформата на таканаречениот Даблински систем на основа на „чесен механизам“, според кој на секоја земја членка на Европската унија би ѝ припаднала одредена квота на барателите на азил во ЕУ, за да се намали притисокот врз земјите во коишто тие први влегуваат на територијата на Унијата, како Италија и Грција.
Земјите од истокот на ЕУ, Полска, Унгарија, Словачка и Чешка, силно се противат на тоа и предложија други мерки на самитот на ЕУ во Братислава минатиот месец/
„Разговорите со челниците на ЕУ покажаа дека задолжителните квоти стануваат политички мртви. Сакаме законските предлози на Европската комисија да ги одразуваат ставовите на премиерите и претседателите на земјите членки на ЕУ…, коишто јасно потврдија дека принципот на доброволност е главниот принцип во мигрантските прашања“, изјави словачкиот премиер Роберт Фицо за новинарите по средбата со унгарскиот колега Виктор Орбан.
Словачка до крајот на годинава претседава со ЕУ и е одговорна за координација на дневниот ред на министерските состаноци.
На самитот во Братислава германската канцеларка Ангела Меркел го призна поразот на нејзините долгогодишни обиди да ги увери партнерите од ЕУ да ги прифатат мигрантските квоти. Се согласи да им попушти на источноевропските држави прифаќајќи го нивниот предлог за ткн „флексибилна солидарност“.
Земјите од Вишеградската група, Унгарија, Чешка, Словачка и Полска, изјавија дека миграциската политика на ЕУ треба да се темели на принципот на „флексибилната солидарност“, а секој механизам на распределба на бегалците по земјите членки треба да биде на доброволна основа.
Претседателот на Европскиот омисија, Жан-Клод Јункер, ги осуди во петокот земјите кои им се противат на договорите на ниво на ЕУ дека ги нарушуваат европските вредности.
„Доколку некоја членка секогаш не се согласува со одлуката, организира референдум, за да го каже спротивното од она што го вели владеењето на правото, нема да можеме да управуваме со ЕУ“, предупреди Јункер на конференција во Париз.
Неговата изјава следеше неколку дена откако унгарскиот премиер Виктор Орбан предложи измени на уставот со кои би се забраниле групните населувања на мигранти. Орбан тоа го предложи откако унгарските гласачи со огромно мнозинство на референдумот од 2-ри октомври ги поддржаа отфрлањето на планот на ЕУ за бегалскиот квоти, иако референдумот не беше валиден поради недоволната излезност.
„Одредени членки не се придржуваат до тоа. Ако земјите членки не го почитуваат утврденото правило, донесено на демократски начин, тоа е почеток на крајот. ЕУ се темели на владеењето на правото. Многу ме натажува кога гледам дека некои земји членки денес се одвојуваат, така што веќе не ги почитуваат европските принципи“, истана Јункер зборувајќи за европскиот план за распределба на имиграните.
Орбан во петокот повтори дека уставот на Унгарија треба да биде променет, за неговите сонародници не би можел никој да ги присили на некоја форма задолжително населување. Тој по средбата со Фицо рече дека измените на уставот ќе бидат во согласност со законодавството на ЕУ.
„Системот на задолжителните квоти при населувањето, без горна граница би можело да го упропасти сето она што го постигнавме и да го уништи сé што работевме“, рече Орбан./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.