Европа
Шпанија ја предупреди Франција поради нападите врз камионџии
Шпанското министерство за надворешни работи ја предупреди соседна Франција поради зачестените напади врз шпанските превозници на земјоделските производи во оваа земја каде што локалните земјоделци протестираат поради ниските цени на месото и храната.
„Длабоко сме загрижени од нападите врз шпанските камиони со прехранбени производи кои продолжуваат со тешки последици“, се наведува во дипломатскиот допис упатен во Париз, што го цитира AFP. Локалните фармери на француските патишта ги напаѓаат шпанските возачи од 21-ви јули истакнува владата во Мадрид.
Француските синџири супермаркети со увозот на евтината храна од странство ја уриваат цената на домашните земјоделци, што може да доведе до затворање на 40.000 работни места во Франција, најголемиот европскиот производител на земјоделски продукти.
Шпанските власти им советуваше на своите возачи на камиони да ги избегнуваат француските сообраќајници, стравувајќи дека протестите на француските синдикати може да завршат со сериозни инциденти.
Кон крајот на јули еден возач на компанијата „El Mosca“, од јужната шпанска покраина Мурсија, бил нападната откако со пратка месо влегол во Франција. „Кога ги видоа шпанските таблички и дека превезувам месо, полудеа“, рече.
Во петокот 50-ина овоштари во југоисточна Франција, се солидаризираа со локалните сточари, и со триесетина трактори блокираат патишта делејќи им на возачите овошје и летоци.
Стотици одгледувачи на стока ги парализираа главните патни правци околу градот Каен, на северозападот од Франција, од каде на 21-ви јули протестите се проширија ширум земјата. Околу 25.000 производители на место и млеко се наоѓаат пред банкрот, што би можело да доведе до затворање на 10 отсто од фармите за одгледување говеда.
Синдикатите и владата тврдат дека падот на цените е последица на војната со цените меѓу големите супермаркети кои ја уриваат цената со увозот на поевтината увозна храна. Францускиот министер за земјоделие Стефан Лефол ги повика Французите да ги купуваат домашните производи, но земјоделците сметаат дека тоа не е доволно. Тие го обвинија социјалистичкиот претседател Франсоа Оланд дека не го штити домашното производство.
Минатата седмица ги блокираа граничните премини со Шпанија и со Германија, што доведе до големи доцнења во автобускиот сообраќај во екот на туристичката сезона. Застоите ги има насекаде, не само на граничните премини, и колони се создаваат и на француска и на шпанска територија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.