Европа
Шпанскиот крал го распушти Парламентот, избори на 26 јуни
Шпанскиот крал Фелипе VI, го распушти во вторник, парламентот и распиша избори за 26 јуни, откако не се постигна договор за формирање Влада, по декемвриските избори на кои ни една партија не освои мнозинство гласови.
Шпанскиот крал Фелипе VI, го распушти во вторник, парламентот и распиша избори за 26 јуни, откако не се постигна договор за формирање Влада, по декемвриските избори на кои ни една партија не освои мнозинство гласови.
Кралот го потпиша декретот за распуштање на парламентот, откако на 2 мај истече законскиот рок за формирање влада.Прв пат во Шпанија се случува изборите да бидат повторени, откако во земјата се врати демократијата по смртта на долгогодишниот диктатор Генералот Франциско Франко во 1975 година.„Ова се случува по прв пат во демократската ера бидејќи не бевме во можност да го исполниме мандатот што ни го даде народот“, рече Паци Лопез, претседателот на парламентот при потпишувањето на декретот.На парламентарните избори во декември, конзервативната Народна партија, која беше на власт четири гофини, освои најмногу гласови, 28,7 отсто, односно 123 пратеници, но недоволно за сама да формира влада. На вотор место беше Социјалнистичката партија, а потоа Подемос и Граѓаните.Ни една од трите партии не сакаше да формира влада со Народната партија.Сите преговори сњ водеа околу формирање влада од левото крило, откако премиерот Маријано Рахој чија Народна партија во декември го изгуби мнозинството, се откажа од формирање влада поради недостиг на поддршка.Шпанскиот крал Фелипе VI, минатата недела разговараше со лидерите на политичките партии како последен обид да се реши четиримесечната политичка криза и да најде кандидат кој ќе може да формира влада и со тоа да се избегнат повторни избори.Меѓутоа, по разговорите кралот констатира дека ни еден кандидат за мандатер не добил доволна поддршка за состав на нова влада. Анкетите сугерираат дека изборите може да донесат слични резултати на оние од декември, затоа што левата политичка сила е разделена во четири помали партии.Аналитичарите велат дкеа помалите партии можеби, по изборите, ќе имаат повеќе воља да се групираат, затоа што граѓаните ќе бидат нестрпливи, кмонечно, да се формира влада./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.