Европа
Српските доброволци во Донецк одбиле пробив на украинската армија
Одред на српските доброволци ткн „четници“ кои во конфликтот во источна Украина се борат на страната на проруските милиции, јавија дека успешно одбиле пробив на украинската армија, пренесе во понеделникот навечер РИА Новости повикувајќи се на службата за односи со јавност на самопрогласената Народна Република Донецк.
Според информацијата на проруските бунтовници од Донецк, „четниците“ од одредот „Јован Шевиќ“ го одбиле обидот на украинската армија да се пробие во правецот Луганск – Краснодон, со што прави обид да ја пресече комуникацијата меѓу двата најголеми града во источна Украина коишто се под контрола на ткн народни милиции на самоодбраната на мнозинското руско и рускојазично население со што и ги ставило во целосно опкружување.„За време на борбите беа уништени два тенка и едно самоодно артилериско орудие заедно со екипажите, а исто така и едно теренско борбено возило. Нашите загуби се двајца полесно ранети, на коишто им е пружена медицинска помош и веќе се вратија во единицата“, го цитира службата на бунтовниците во Донецк соопштението на српските доброволци.Српските доброволци во непризнаената република на истокот од Украина пристигнаа во мај и во јуни. Според официјалните информации од командата на проруските бунтовници, тие дошле за време на опсадата на Славјанск, кој сега е под контрола на украинската армија, поради познанство со еден од челниците на бунтот, Игор Стрелков, од времето на раните 1990-ти кога тој и самиот како доброволец се борел во редовите на војската на сегашниот ентитет Република Српска во војната во Босна и Херцеговина. Бројот на српските доброволци во одредот „Јован Шевиќ“ не се соопштува, а руските медиуми велат дека е познато само името на нивниот водач, извесен Братислав Живковиќ.Единицата е наречена во чест на командантот на српскиот хусарски полк Јован Шевиќ, кој во 1751 година станал руски царски поданик а потоа и основач на автономната област Славјаносрбија, на дел од териториите на коишто денес се наоѓаат Донецката и Луганската област. Во времето на руската императорка Екатерина Втора, Славјаносрбија влегла во Новоруската губернија. Откако, во март прогласија независни ткн народни републики во Донецк и во Луганс, бунтовниците во оваа област во која живеат над седум милиони луѓе објавија „државна единица“ којашто ја нарекоа Новорусија./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.