Европа
Штајнамер и Могерини задоволни од размената на затвореници меѓу Москва и Киев
Германскиот министер за надворешни работи Франк-Валтер Штајнамер и шефицата на дипломатијата на Европската унија, Федерика Могерини, изразија задоволство од размената на затворениците меѓу Русија и Украина во којашто од беше ослободена украинската пилотка Надежда Савченко во замена за ослободувањето на двајцата руски војници Евгениј Ерофеев и Александар Александров.
Штајнамаер изјави дека е „среќен и дека воздивнал“ откако воената пилотка Савченко по две години во затвор во Русија каде што беше осудена на 22 години затвор поради убиство на руски новинари во источна Украина беше ослободена со указ на рускиот претседател Владимир Путин, кому за тоа со молба му се обратија токму семејствата на убиените новинари на редиотелевискиот дифузер ВГТРК. Новинарите Игор Корнелјук и Антон Волошин, како што пресуди судот во руски Ростов биле убиени од артилериски оган кој на 17-ти јуни 2014 година го отворила Савченко која беше уапсена на руска територија.
Ерофеев и Александров беа заробени во Донбас на 16-ти мај минатата година, што Киев го толкуваше како доказ за руско воено вмешување на украинскиот конфликт. Москва потврди дека двајцата биле порано во составот на руските вооружен сили, но дека кога биле заробени на украинска територија не биле во активна служба.
„Тоа е убава вест, на којашто долго работевме и која долго ја чекавме“, изјави Штајнмаер, кој исто така е претседател на Организацијата за безбедност и соработка во Европа (ОБСЕ).
Германија на почетокот од март годинава ја повика Русија веднаш од хуманитарни причини да ја ослободи Савченко, која од тогаш беше во штрајк со глад и жед.
Високата претставника на Европската унија за надворешна политика и безбедност, Федерика Могерини во средата ја поздрави „добрата, долго очекувана вест“ по ослободувањето на украинската пилотка. „Надежда Савченко е слободна и се враќа во Украина.. ја поздравувам добрата, долгоочекуваната веста која ЕУ ја слави со нејзината земја“, напиша Могерини на твитер./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.