Европа
Шулц: Европа е неисполнето ветување
Европа е ветувањето кое не е исполнето, изјавил оваа седмица претседателот на Европскиот парламент, Мартин Шулц, пренесуваат во саботата светските агенции.
„Европа е ветување, но ветување коешто не е исполнето“, рекол Шулц во текот на дебатата за иднината на Европа одржана во италијанската престолнина Рим во четвртокот, пренесува AFP.
Во дебатата, покрај Шулц учествувале и претседателот на Европската комисија, Жан-Клод Јункер, претседателот на Европскиот совет, Доналд Туск и италијанскиот премиер Матео Ренци. Конференцијата се одржувала во салата во којашто во 1957 година е потпишан Римскиот договор, со кој се ставени темелите на денешната Европска унија.
Европа е „ветување за повеќе работни места, услуги и раст, кое беше повторувано секој ден“ и поколенија Европејци се согласија на жртви, надевајќи се дека тоа ветување ќе се исполни, барем за нивните деца, рекол Шулц.
Меѓутоа, европските челници и натаму бараат жртви, помалку услуги и повеќе даноци, а „поради што, поради спасување на банките“, додал челникот на Европскиот парламент. Оттаму постои „чувство на неправда, дека ова не е Европа каква што ја посакувал“, рекол Шулц одговарајќи на прашањето за јакнењето на популистите во Европската унија.
Претседателот на Европскиот совет, Доналд Туск, истакнал дека Европската унија не смее премногу да биде идеализирана и да се смета дека води кон воспоставување една единствена држава и нација, истакнувајќи дека тоа не само што „воопшто не е реално“, туку е и штетно за нејзината иднина.
„Сонот за само една европска држава, само една европска нација е илузија. Мораме да прифатиме дека живееме во Европа со различните валути, различни политички сили, а најлошото е да се правиме дека тоа не го знаеме“, рекол Туск.
Претседателот на Европската комисија, Жан-Клод Јункер, пак, рекол дека „за Европа не се зборува на добар начин“. Секој состанок на европските министри во Брисел е интерпретиран на различни начини, „како да сме имале за 28 различни состаноци“, рекол Јункер.
„Имаме полноправни Европејци кога треба да земаат и половични кога треба да даваат“, рекол, истакнувајќи дека тоа се често оние кои добиваат најмногу од европските фондови. „Претходно работевме заедно (…) Тоа веќе воопшто го нема“, додал Јункер, изразувајќи жалење што европските граѓани не разбираат што Европската унија настојува да стори. „Тоа е плодна почва за популистите“, заклучил, пренесува Reuters.
Европските челници не доаѓаат во Брисел со мислата дека би требало да ја бранат Европа, додал Шулц. „Ќе дојдат во Брисел и на прес-конференциите велат: ги бранев нашите национални интереси“, рекол со тага потсетувајќи на поранешните генерации „поевропски“ челници. „Во Европскиот совет има многу трговци, а само неколку државници“, рекол.
Меѓутоа, Туск предупредил дека државите членки не смеат да бидат жртвени јарци. „Во Брисел е раширено мислењето дека проблемите секогаш ги предизвикуваат државите членки“, рекол, додавајќи дека е опасно да се смета дека „животот би бил многу подобар без државите членки“,
Туск, Јункер и Шулц престојуваа во Рим по повод доделувањето на престижната европска награда на Карло Велики, на папата Франциск во петокот. Признанието Карло Велики се доделува повеќе од 70 години за промовирање на европското единство./крај/мф/сн
Извор: AFP/Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.