Европа
Швајцарците на референдум за доселувањето, оданочувањето и златото
Гласачите во Швајцарија во неделата се изјаснуваат на нов референдум за трите народни иницијативи – за дополнителното заострување на доселеничките политики, за укинување на единствената даночна стапка за богатите странци и за златото на централната банка.
Гласачите во Швајцарија во неделата се изјаснуваат на нов референдум за трите народни иницијативи – за дополнителното заострување на доселеничките политики, за укинување на единствената даночна стапка за богатите странци и за златото на централната банка.
Во сите три случаи, анкетите предвидуваат неуспех на иницијативите, меѓутоа политичката елита не исклучува „изненадување“, особено во врска со политиките на доселување во Швајцарија, благодарејќи на анонимноста на изјаснувањето.
Покрај тоа, неодамнешните истражувања на јавното мнение покажуваат дека швајцарските избирачи не се наклонети да застанат зад иницијативата којашто е покрената надвор од етаблираните политички партии за заштита на природните богатства, а којашто политичката класа, деловните кругови и синдикатите постојано ја квалификуваат како „ксенофобична и расистичка“.
Организацијата Екологија и население (Ecopop), која се декларира за непристрасна и сака бројот на доселениците да се ограничи на 0,2 отсто од швајцарското население, што значи околу 16 илјади луѓе годишно, ги повика гласачите да ѝ кажат „доста на пренаселеноста“. Покрај тоа, бара Швајцарија 10 отсто од своите фондови за помош на земјите во развој да издвои за мерките за контрола на раѓањето во земјите на југот.
Меѓутоа, овој предлог наиде на многу критики од сите страни на политичкиот спектар. Сите тие истакнуваат дека стопанството, од коешто некои сектори како што е здравството имаат третина од вработените коишто доаѓаат од странство, повеќе не би функционирало нормално и не би можело да се развива.
„Го поддржуваме швајцарскиот народ во неговото изјаснување против масовното доселување од европските земји“, изјави во саботата за швајцарскиот весник Le Temps, Марин Лепен, чијашто партија од крајната десница Национален фронт (FN) во саботата го започна во Лион дводневниот партиски конгрес.
Швајцарските граѓани ќе изјаснуваат и за „спасувањето на швајцарското злато“ обврзувајќи ја Швајцарската национална банка (BNS) барем 20 отсто од својата сопственост да ја чува во злато, наместо досегашните 7 проценти.
Изјаснувањето за единствената даночна стапка на што се противи левица во името на „еднаквоста“ се однесува на 5.729 странски милионери кои попрво плаќаат даночен паушал од милијарда швајцарски франци, или 830 милиони евра, отколку да бидат оданочени во своите земји.
„Треба да се спасиме од единствената стапка, бидејќи тоа е разумно би ги заштитило нашите природа и татковина“, соопштија од таборот на зелените, кои се иницијатори на референдумот.
Гласањето, коешто во Швајцарија често е и дописно, ќе заврши напладне по локално време а резултатите ќе бидат познати доцна попладнето./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.