Европа
Швајцарија заплени 30 млн франци на украински пратеник
Канцеларијата на јавниот обвинител на Швајцарија го истражува случајот под сомнение за корупција и перење пари против пратеникот во Врховната Рада (парламентот) на Украина, од партијата Народен Фронт – Микола Мартиненко, при што се блокирани околу 30 милиони швајцарски франци на „неговите тајни сметки“, пишува во неделата швајцарскиот магазин Le Matin Dimanche.
Украинскиот пратеник Микола Мартиненко е „осомничен за примање поткуп во износ од неколку милиони швајцарски франци на една од сметките во приватната банка ’Hottinger Cie’, која има филијали во Женева, Церих, Базел Сиеон“, се вели во написот.
„Федералното обвинителство на Швајцарија спроведува истрага во однос на Мартиненко, член на парламентот, и верен сојузник на украинскиот претседател Петро Порошенко и близок на премиерот Арсениј Јаценјук“, се додава во написот во Le Matin Dimanche.
Според весникот, станува збор за сомневање на обвинителството дека на сметките во банката „Hottinger Cie“ биле пренесени средства како „награда“ за овозможување на чешката компанија „Skoda JS“, која произведува опрема за нуклеарни централи, да добие ангажман во модернизацијата на една украинска нуклеарна централа. Мартиненко, инаку, е на чело на парламентарната комисија за енергетскиот комплекс, нуклеарни политики и нуклеарна безбедност.
Во јули 2013 година банката „Hottinger Cie“ обратила внимание на „серија сомнителни исплати“ на споменатите сметки. Според швајцарското законодавство, банките за сите сомнителни трансакции мора да го известат тамошното Биро за справување со перењето пари (MROS).
Федералното обвинителство ја започнало истрагата уште на 15-ти август 2013 година, во врска со сомневање за перење пари и корупција. Оттогаш, и покрај жалбите на правните застапници на Мартиненко, „околу 30 милиони франци на неговите сметки остануваат блокирани“. Како што истакнува, Le Matin Dimanche, ова дело е „чувствително за Швајцарија, бидејќи истрагата може да и’ наштети на украинската влада“, бидејќи швајцарските власти се стремат „да ја имаат улогата на посредник“ во решавањето ан конфликтот во Украина./крај/мф/сн
Извор: Le Matin Dimanche
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.
Европа
Шпанскиот државен обвинител бара прекин на истрагата против сопругата на Санчез
Шпанскиот државен обвинител, назначен од кралот по препорака на владата, денеска побара од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.
Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот беше пријавена кај судијата од синдикатот Манос Лимпиос (Чисти раце) врз основа на медиумските извештаи дека давала препораки со нејзин потпис на претприемачи кои се пријавиле на јавни тендери. На овој начин, било наведено во пријавата, таа ја искористила својата позиција и влијание за да можат блиските луѓе да добијат јавни пари и работа.
Организацијата Манос Лимпијас претходно изјави дека својата тужба ја заснова на медиумски извештаи и дека не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирани.
Во 1980-тите, Бернад се натпреваруваше на два европски избори како кандидат на екстремно десничарскиот Национален фронт во 1980-тите.
Манос Лимпијас одлучи да побара од судот да отвори истрага за бизнисот на Гомез откако обвинителите не постапија самоиницијативно, а истражниот судија ќе одлучи дали медиумските извештаи се точни или не, рече тој.
Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс кој го водела Гомез на Универзитетот Комплутенсе во Мадрид.
Во извештајот се споменува поврзаноста на сопругата на премиерот со туристичката компанија Globalia, која беше спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Air Europa“, во сопственост на Globalia.
Државното правобранителство испрати жалба до судот во Мадрид, во која се наведува дека нема „индиции дека сторила кривично дело“, објави радиото Ла Секста.