Европа
Шведска ги заостри законите за азил
Шведскиот парламент изгласа во вторникот построги правила за барателите на азил, вклучително и запирањето на постапката за давање постоен престој за оние кои е одобрен азил.
Покрај тригодишниот престој за повеќето бегалци, воведени се мерки коишто го ограничуваат соединувањето на семејствата. Мерките ќе траат три години, со исклучок околу постојаниот престој за бегалските квоти.
Новите прописи ќе стапат на сила од 20-ти јули и ќе се применуваат за оние коишто во Шведска пристигнале по ланскиот 24-ти ноември, кога владата ја покрена расправата за поцврст став во однос на бегалците и имигрантите.
Шведската влада смета дека ваквиот чекор е неопходен поради проблемите кои се појавија во текот на минатата 2015 година, кога во земјата пристигнале повеќе од 163.000 лица кои бараат азил во оваа скандинавска држава.
Законскиот предлог во вторникот во парламентот мина со 240 гласови „за“, и 45 гласови „против“. Коалициската влада на Социјалните демократи и Зелените беше поддржана и од антидоселечничките Шведски демократи и од конзервативната Умерена партија.
Триесет пратеници беа воздржани, вклучително и од опозициската Либерална парти и од Христијанските демократи, а 34 членови на парламентот, кој брои 349 пратеници беа отсутни.
Четворица пратеници од владејачката партија на Зелените гласаа против законскиот предлог, како и опозициската Центристичка партија, и Левата партија којашто инаку по многу прашања ја поддржува владата на левиот центар.
Новиот закон го критикуваа и невладините организации, како шведската канцеларија на Аmnesty International и од Save the Children, а тоа го сторија и бискупите на шведската Лутеранска црква.
Шведска, со 10 милиони жители, покрај Германија и Австрија е најпосакуваната дестинација за бегалците и имиргантите кои бегаат пред војните, прогоните и сиромаштијата на Блискиот исток./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.