Европа
Шведската крајна десница бара референдум за доселувањето
Партијата од крајната десница Шведски демократи кои во неодамнешните анкети првпат добија најголема поддршка од избирачите, побараа во саботата одржување референдум за великодушната доселеничка политика во оваа скандинавска земја.
„Време е Шведска да имаме референдум за нашата политика на доселувањето“, изјави претседателот на партијата Шведски демократи, Џими Акесон, во говорот пред приврзаниците.
Сепак, изгледите за одржување плебисцит се многу слаби, имајќи предвид дека за тоа мора да се изјасни парламентот и од 1922 година одржани се само шест референдуми.
Шведска минатата 2014 година примила 80.000 бегалци, најмногу од сите земји во Европската унија во однос на бројот на населението од 9,7 милиони. Шведска со својот благопријатен социјален систем, со реномето на толерантна земја и здрава економија, е една од главните дестинации на бегалците кои бегаат од војните, диктаторските режими и сиромаштијата.
Акесон оцени дека политиката на отворање на Шведска и на нејзиниот систем за социјална помош го поттикнуваат сегашниот прилив на мигранти во Европа. „Што ги тера луѓето својот и животите на своите деца да ги изложуваат на смртни опасности за да дојдат тука: Мислам дека и премногу попустливата политика на другите партии е причина за многуте несреќни судбини. Таа носи смрт“, изјави Акесон.
Шведските демократи (SD), радикална десница, влегоа во паралментот во 2010 година, благодарејќи на антодоселеничката програма. На парламентарните избори во 2014 година го освои третото место со 12,9 отсто од гласовите и 49 од 349-те пратенички мандати.
Според анкетите на институтот YouGov објавена пред десетина дена, 25,2 отсто од гласачите ќе гласаат за Шведските демократи со што избива пред социјалдемократите на Стефан Лоефвен, кои во анкетата освоија 23,4 отсто. На друга анкета, пак, на институтот Novus, објавена во саботата демократите добиваат 18,6, а социјалдемократите 25,8 отсто.
Меѓутоа, ниедна партија не сака да коалицира со Шведските демократи и не ги прифаќа нејзините ставови за доселениците на кои гледаат како на добредојдена работна сила во земјата чиешто население е сé постаро./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.