Европа
Тереза Меј официјално стана британска премиерка
Новата челничка на владејачката Конзервативна партија, Тереза Меј, во средата попладнето официјално е именувана за премиер на Велика Британија, откако во Бакингемската палата кралицата Елизабета Втора ја задолжи да ја формира новата влада, а ќе има тешка задача да го спроведе излегувањето Обединетото Кралство од Европската унија, за што Британците се изјаснија на референдумот од 23-ти јуни.
Ауденцијата во Бакингемскиот дворец се одржа веднаш откако кралицата Елизабета Втора ја прифати оставката на досегашниот премиер Дејвид Камерон, ветена во текот на кампањата за референдумот, на кој тој се залагаше за останување во ЕУ.
Меѓу заминувањето од дворецот на Камерон со семејството и пристигнувањето на Тереза и Филип Меј, минале само 26 секунди, забележаа прецизните британски медиуми.
Церемонијата на именувањето на премиер е прилично едноставна: кралицата го прашува кандидатот дали се согласува да формира влада. По потврдниот одговор, премиерот се смета за назначен.
По своето назначување на должноста, 59-годишната Тереза Меј, досегашна министерка за внатрешни работи, изјави дека ќе го продолжи курсот на нејзиниот претходник и сопартиец Дејвид Камерон, во настојувањата за обединување на земјата и востановување на социјалната справедливост.
„Сега сме во една етапа, настапуваат времињата на големите национални промени. Но, затоа што сме Велика Британија, ние ќе го прифатиме предизвикот. И ќе направиме држава која ќе биде за сите. Тоа ќе биде мисијата на владата којашто ќе ја водам. Ние ќе изградиме подобра Британија“, изјави Меј во својот прв настап на новата должност.
Од Бакингемскиот дворец Меј веднаш по Камерон пристигнала на Даунинг стрит, каде што се одржува предавањето на клучевите од резиденцијата и „нуклеарниот куфер“. Во продолжение на церемонијата, Меј ќе се сретне со високите државни функционери, како секретарот на кабинетот на министри, сер Џереми Хејворд. Потоа ја очекуваат детални брифинзи од сферата на националната безбедност и одбраната.
За време на брифингот, премиерката треба да потпише писмо до командантите на четирите нуклеарни подморници од класата „Trident“, со инструкции за дејствување во случај на нуклеарен напад врз Велика Британија/
Покрај тоа, новата премиерка треба да назначи двајца заменици за нуклеарните прашања, кои носат одлука во случат таа од кои и да е причини самата да не може да го стори тоа.
Тереза Меј е тринаесеттиот британски премиер во ерата на кралицата Елизабета Втора, и втора жена во историја на Велика Британија, по „Челичната леди“ односно Маргарет Тачер, која исто така како челник од 1975 година на Конзервативната партија ја водеше британската влада во периодот од 4-ти мај 1979 д 28-ми ноември 1990 година.
Како министерка за внатрешни работи Тереза Меј се залагаше за зачувување на членството на Велика Британија во ЕУ, но е позната и како заговорник на ограничување на имиграцијата, како и за протерување од земјата на радикали и лица вклучени во терористички активности./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.