Европа
The Sun објави снимки на кои британската кралица отпоздравува со нацистички поздрав – ВИДЕО
Бакингемската палата во саботата го критикуваше британскиот таблоид The Sun, бидејќи го објави видео материјалот до 1933 година на кој се гледа како членови на британското кралско семејство, вклучително и сегашната кралица Елизабета Втора, тогаш на шестгодишна возраст, отпоздравува со нацистичкиот поздрав.
Во црно-белата снимка која трае само 17 секунди, објавена на интернет страницата на The Sun, се гледа како калицата Елизабета на шест или седум години, ја подигнува десната рака, а истото го прават и покојната Кралица мајка и вујкото на Елизабета Втора, тогаш идниот крал Едвард Седми, кој абдицираше од престолот во 1936 година за да се ожени со Американката Валис Симпсон.
За Едвард и претходно современиците и историчарите тврдеа дека бил симпатизер на нацистичкиот режим,а познато и дека се сретнал со германскиот фашистички фирер Адолф Хитлер две години пред почетокот на Втората светска војна.
„Разочарувачки е што оваа снимка, којашто е снимена пред повеќе децении и припаѓала на личната архива на Нејзиното кралско величество, е употребена на ваков начин“, се вели во соопштението на Бакингемската палата.
Според историчарите, снимката е направена во 1933 или 1934 година во дворецот Балморал во Шкотска, кусо време откако нацистите предводени до Адолф Хитлер дојдоа на власт во Германија. На снимката може да се види дека Елизабета си игра со пес и со тогаш тригодишната сестричка, принцезата Маргарет, по што и двете мавтаат со раце, а потоа кон камерата ја подигнуваат десната рака на начин на кој тоа го прават возрасните околу нив,
„Повеќето луѓе оваа снимка ќе ја сфатат во согласност и околностите во која настанала. Многумина нацистичкиот поздрав го гледаат од актуелниот аспект, но во тоа време никој не знаел како ќе се развиваат работите“, вели портпаролот на Бакингемската палата.
„Елизабета тогаш била дете, целосно несвесно за значењето на тоа движење. Кралицата и нејзината посветеност на доброто на британскиот народ во текот на војната и 63 години колку што е ангажирана на изградбата на односите меѓу нациите и народите зборува самото за себе“, истакнува истиот извор.
Извршниот уредник на The Sun, Стиг Абел, не открива на кој начин весникот, кој е дел од медиумската корпорација на американскиот магнат Руперт Магнат инаку казнувано во Британија поради објавување на снимки и пораки на славни личности до кои дошол со нелегално прислушување, дошол до снимката. „Целта на објавувањето на снимката во никој случај не беше да се доведен Нејзиното кралско височество или палатата во незгодна ситуација“, рече Абел за телевизијата Sky News./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.