Европа
Тинејџери желни за возбуда предизвикаа паника во Париз
Двајца тинејџери тврдат дека стојат зад лажната тревога за терористички напад што се случи во саботата и предизвика паника кај луѓето во центарот на Париз, а тие велат дека го направиле тоа заради возбуда.
Двајца тинејџери контактираа со француските медиуми и објаснија дека тие стојат зад лажната тревога што доведе до затворање на дел од централното подрачје на францускиот главен град.Тинејџерите на возраст од 16 и 17 години за француските медиуми велат дека стојат зад лажната дојава за заложничка драма во црква во централното подрачје на Париз. По повикот во полицијата, голем број полицајци беа распоредени на терен, а беа повикани и единиците за анти-тероризам кои требаше да се справат со заложничка ситуација.Луѓе кои биле во трговски центри и во продавници панично бегаа низ Париз исплашени дека градот повторно е цел на терористички напади. Властите дури испратија и предупредување преку апликацијата за смартфони за да ги подготват луѓето за можен терористички напад, велејќи им да го избегнуваат центарот на Париз и да побараат засолниште.Но, се покажа дека се работи за лажна дојава, а истрагата се води како извештај за замислен криминал, што може да биде казниво и тоа со две години затвор и 30.000 евра глоба.Во неделата попладне тинејџери хакери на Facebook тврдеа дека тиа направиле лажен повик кон полицијата и дека не е нивен проблем ако луѓето се исплашиле.„Рековме дека заложници се држат во црква и дека таму има десет северноафриканци со оружје и самоубиствени елеци“, велат тие за BFM TV.„Не мислевме дека ќе успее. Го направивме тоа за возбуда и за да станеме познати“, додаваат хакерите. „Тоа што луѓето испаничија е нивни проблем“.Тие објавија и аудио снимка од нивниот разговор со полицијата во која се слуша како полицаецот вели дека примаат многу лажни повици и ги тера да дадат уште детали за положбата на заложниците.Тинејџерите велат дека биле инспирирани од американкиот феномен наречен „swatting”, во кој лажни повици се упатуваат до полицијата со цел таа да го покрене специјалниот тим наречен Swat.„Го направив најлошиот ‘Swatt’, ги натерав да пратат хеликоптер, властите, 50 полициски автомобили, бев во тренд на Twitter“, вели еден од хакерите на Facebook.Франција сѐ уште е во вонредна состојба по терористичките напади, па не е чудно што полицијата реагирала така.Бруталното убиство на свештеник во близина на Руен од двајца џихадисти ја зголемија внимателноста кон црквите низ целата земја.Хакерите велат дека се сигурни дека нема да бидат уапсени. Од полицијата потврдуваат дека ќе треба подолго време да им се влезе во трага.Портаролот на министерството за внатрешни работи вели дека ова е потполно неодговорно однесување./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.