Европа
Тони Блер прогласен за геј икона
Поранешниот британски премиер Тони Блер прогласен е во петокот од страна во магазинот Gay Times, за една од најважните „геј икони“ последните триесетина години, што претставува признание за неговиот ангажман во одбраната на правата на хомосексуалците.
Списанието Gay Times му го доделува ова признание на Тони Блер во специјалното издание по повод појавувањето на првиот број, редејќи го раме до раме со личностите како Бој Џорџ, сер Иан Меккелен, Барабра Стрејсенд или Џоан Риверс, Елизабет Тејлор и др, борци за правата на ЛГБТ заедницата.
Сега 61-годишниот Блер однесе надмоќна победа на парламентарните избори во Велика Британија во 1997 година и ја водеше земјата во следните десет години.
Неговото доаѓање на власта беше одбележано со воведувањето на законот за животно партнерство, како и со укинувањето на законот кој им забранува на власт да ја промовираат хомосексуалноста и да ги означува геј двојките.
„Неоспорен е неговиот статус на амбасадор на првата на хомосексуалците“, истакнува редакцијата на магазинот.
„Правното признавање на трансексуалците, животното партнерство, забраната за отказ на вработените поради сексуалната определба и квалификацијата на хомофобијата како злосторство од омраза, сето тоа се случи за време на неговиот мандат“, се додава во образложението на Gay Times.
Тони Блер се заблагодари на ова признание, велејќи дека е горд на својата работа со којашто придонел за признавање на правата на хомосексуалците./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.