Европа
Тројца војници загинаа, а 27 се ранети на истокот во Украина
Тројца украински војници загинале, а 27 биле ранети во најновите судири со проруските бунтовници на истокот од земјата, соопштила во четвртокот украинската војска.
Тројца украински војници загинале, а 27 биле ранети во најновите судири со проруските бунтовници на истокот од земјата, соопштила во четвртокот украинската војска.
За време на тримесечниот конфликт на истокот од Украина загинале повеќе од 200 припадници на украинските безбедносни сили, како и повеќе стотици цивили и припадници на проруските сили, пренесе агенцијата Reuteurs.
Додека украинските сили се обидувале да ги протераат проруските сили од Славјанск за време на викендот, тие успеале да се вооружат со тешко оружје и добро де се „вкопаат“ во Донецк, град во кој живеат 900 илјади жители, но и понатаму силно да се спротиставуваат во околината на Луганск на границата со Русија.
За време на владината „анти – терористичка операција“ доцна во средата бил убиен еден украински војник во близина на Муратов, недалеку од Луганск, а во друг инцидент загинале уште двајца војници кога оклопно возило налетало на експлозив недалеку од местото Червона Зорја, о близина на Донецк.
Претседателот на Украина, Петро Порошенко, ја исклучил можноста од употреба на воздухопловните сили поради големиот број цивили во Донецк.
Гласот на Русија пренесува во четвртокот дека намерата на Киев е да ја заврши воената операција на истокот на Украина во наредните триесет дена.
„Украинската војска и специјалните сили на Националната гарда успешно ќе ја завршат операцијата со преземање на контролата над Донецк и Луганск во наредните месец дена“, рекол советникот на министерот за внатрешни работи на Украина, Станислав Речински.
„Доколку зборувме за краен рок на воената операција, тогаш може да предвидиме повлекување на главните сили на сепаратистите во Луганск и Донецк во наредните месец дена“, истакнал Речински, додавајќи дека последните денови, воената операција успешно напредува.
Министерството за одбрана на Украина ја потврдило информацијата на својот официјален сајт за употреба на воздухопловните сили во близина на аеродромот во Луганск, пренесува Гласот на Русија.
Помеѓу владините сили и милициите избиле судири во средата вечерта недалеку од аеродромот на Луганск, кој е под контрола на украинската војска.
Очевидци тврделе дека бил оштетен гасоводот недалеку од аеродромот како и дека инженерските простории на аеродромот биле во пламен.
За време на судирите биле забележани два авиони како летаат над Луганск кон аеродромот./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.