Европа
Туск и Дуда апелираат на смирување во односите на Брисел и Варшава
Полскиот претседател Анджеј Дуда и претседателот на Европскиот совет, Доналд Туск, кој е и поранешен полски премиер, повикаа во понеделникот на смирување на тензиите меѓу Брисел и Варшава, кои кулминираа по неколку потези на новата полска влада кои наидоа на остри критики во Европската унија.
„Полска нема непријатели во Европската унија. Постојат различни ставови за одредени прашања, но она што е добро за Унијата е добро и за Полска“, изјави претседателот на Европскиот совет, Доналд Туск по разговорите во Брисел.
„Траба да се разговара смирено, без емоции и врз основа на фактите“, возврати полскиот претседател Анджеј Дуда., додавајќи дека треба да се избегнува непримерната реторика во медиумите.
Новата полска влада предводена од конзервативната парија Право и правда (PiS), која победи на парламентарните избори во октомври минатата година, донесе низа мерки кои беа остро критикувани од опозицијата и од ЕУ. Меѓу нив се и новиот закон за Уставниот суд и за именувањето на челниците во јавните медиуми.
Европската комисија покрена прелиминарна истрага за усогласеноста на полските закони со европските прописи, а претседателот на Европскиот парламент Мартин Шулц изјави дека промените кои и воведе PiS се еднакви на „државен удар“. Германскиот комесар во ЕК, Гинтер Етингер, исто така, остро ги критикуваше потезите на полската влада, на што Варшава одговори со повикување на германскиот амбасадор во Полска, кому му беше укажано за неприфалтивоста на изјавите на германските политичари.
Туск во понеделникот ја критикуваше одлуката на ЕК за покренување постапка. „Верувам дека ЕК дејствувала со најдобра намера за да ги утврди фактите, но тоа можеше да се постигне и на поинаков начин“, рече Туск, Истакна дека не би било добро прашањето на Полска да се стави на дневен ред на самитот на челниците на ЕУ. „Мислам дека не би било добро да се расправа за состојбата во Полска на Европскиот совет“, порача Туск.
Полскиот претседател Дуда изјави дека плановите за изградба на уште еден гасовод кој би ги поврзувал Русија и Германија, ткн Северен ток 2, не се економски мотивирани, туку имаат политички причини. „Не се согласуваме со таа инвестиција. Тоа нема врска со економијата. Тоа е инвестиција од политичка природа“, рече Дуда.
Европските земји се противат на овој германски проект, тврдејќи дека ќе ја зголеми зависноста на ЕУ од увозот на гас од Русија, и оти ќе ја наруши европската солидарност. Меѓутоа, повеќето, како Италија на пример, истакнуваат дека Европската комисија всушност ја запре изградбата на гасоводот Јужен тек, под наводен изговор дека ќе биде заобиколена Украина и оти не биле почитувани прописите на ЕУ, а со кој гасот требаше да биде донесен до јужните земји членки, а сега нема ништо против Северен тек 2 кој се гради под исти услови како и гасоводот од кој Москва се откажа откако не најде заеднички јазик со Брисел./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.