Европа
Туск: Приоритет во решавањето на мигрантската криза е спроведувањето на акцискиот план со Турција
Челниците на Европската унија во своите напори за решавање на мигрантската криза приоритет му даваат на спроведувањето на заедничкиот акционен план со Турција со којашто имаат намера на почетокот од март ода одржат посебен состанок, изјави во петокот претседателот на Европскиот совет, Доналд Туск.
„Се согласивме дека заедничкиот акциски план со Турција останува приоритет и ние мораме да сториме сé тој да успее. Оттаму, имаме намера да организираме посебен состанок со Турција на почетокот од март“, изјави претседателот на Европскиот совет, Доналд Туск пред започнувањето на вториот ден од состаноците во рамките на самитот на Европската унија посветен на мигрантската криза и идните односи со Велика Британија.
Самитот со Турција беше планиран за четвртокот, непосредно пред почетокот на самитот на ЕУ, но беше откажан по терористичкиот напад во Анкара, поради кој турскиот премиер Ахмет Давутоглу го откажа патувањето во Брисел.
„Пред ова средба имаше такви кои се сомневаа во потребата да се решавање на бегалската криза заедно со Турција. Ние потврдивме дека нема алтернатива за добрата, интелигентна и мудра соработка со Турција“, изјави претседателот на Европската комисија, Жан-Клод Јункер.
Се очекуваа дека расправата за мигрантската криза брзо ќе заврши во текот на работната вечера во четвртокот, но продолжи до длабоко во ноќта. Челниците на ЕУ усвоија заклучоци за мигрантската криза, а во петокот продолжуваат да расправаат за односите со Велика Британија. Првично беше планирано сите да се соберат на работен појадок во петокот, што подоцна беше одложено па е споменуваше „бранч“, а потоа беше договорено да се соберат дури на работен ручек рано попладнето. Претпладнето се одржаа низа билатерални разговори за британското прашања.
Во заклучоците на Европскиот совет се вели дека целта е брзото намалување на приливот на имигрантите, заштитата на надворешните граници, намалување на илегалната миграција и сочувување на интегритетот на шенгенскиот простор.
Се вели, исто така, дека континуираниот прилив на илегалните имигранти по западнобалканската рута предизвикува „сериозна загриженоста“ и оттаму се бара координирано дејствување и запирање на неконтролираното пропуштање на имигрантите по должината на оваа рута, Се предупредува и на опасноста од новите тури по коишто имигрантите би можеле да тргнат. „Важно е да се остане претпазлив во врска со можниот развој на настаните околу другите рути, за да можеме да преземеме брза и синхронизирана акција“, се вели во заклучоците.
Одлуката на Австрија еднострано да воведе рестриктивен режим на границата и значително да го ограничи бројот на влегувањата не наиде на добар прием во Брисел.
Германската канцеларка Ангела Меркел истакна дека и таа одлука уште повеќе ја нагласува потребата акциониот план со Турција брзо да успее. Од друга странам, пак, земјите од Вишеградската група (Полска, Унгарија Чешка и Словачка) се сомневаат во акцискиот план со Турција и затоа бараат да се подготви алтернативен план за запирање на имигрантите на македонско-грчката граница.
Заедничкиот акциски план ЕУ-Турција, договорен ланскиот октомври, предвидува Турција да го задржи сириските бегалци на своја територија, За возврат ќе добие три милијарди евра помош за згрижување на бегалците. Потоа, кога ќе биде запрен приливот на имигрантите во Европа, дел од нив директно од Турција би се распоредувале во земјите членки на ЕУ кои сакаат да ги примат./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.