Европа
Убиецот на британската пратеничка: Моето име е смрт на предавниците, слобода за Британија
Педесет идвегодишниот Томас Мејр, веќе обвинет за убиството на лабуристичката пратеничка 41-годишната Џо Кокс, беше изведен во саботата пред судот, а на барањето од судијата да се претстави изјавил: „Моето име е смрт за предавниците, слобода за Британија“, јавува Reuters потсетувајќи дека нападот ја шокираше цела Англија и привремено ги запре кампањите за референдумот за членството на Велика Британија во Европската унија.
Лабуристката Џо Кокс, којашто се залагаше за останувањето на Обединетото Кралство во Европската унија, беше застрелана и прободена со нож од Томас Мејр во четвртокот, за кој сведоците велат дека наводно притоа извикувал „Прво Британија“.Тоа, инаку, е име на крајно десна партија којашто на своите интернет страници себеси се опишува како „патриотска партија и улична организација за самоодбрана“. Прво Британија, крајно десната националистичка група, решително негираше каква и да е поврзаност со осомничениот за убиството на надежната млада лабуристка, мајка на две малолетни ќеркички.
Полицијата мотивот на напаѓачот го поврзува со неговата историја на душевна болест но и со неонацисти.
Убиството на Кокс се случи во моментите кога беа објавени резултатите од истражувањата на јавното мнение, коишто покажуваа дека приврзаниците на британското напуштање на ЕУ ја зголемиле предноста пред поборниците на останувањето, меѓу кои беше и истакната лабуристка.
Кокс беше убиена, според сведоци, вмешувајќи се во конфликт меѓу двајца мажи, пред градската библиотека во малото место Бристал, во околината на Лидс каде што требала да се сретне со своите гласачи од грофовијата Јоркшир во северна Англија, округ од кој стана пратеничка на изборите во 2015 година.
Како што беше објавено во четвртокот, во нападот е повреден и 77-годишен маж, кој се обидел да ја заштити Кокс. Тој сé уште е во болница, поради сериозноста на повредата здобиена во пределот на стомакот, соопшти полицијата во саботата.
Мејр, кој триесетина години живеел во Бристал, во саботата беше изведен пред понискиот суд во Лондон со обвинение за убиство, нанесување тешки телесни повреди, како и за поседување огнено и студено оружје.
Полицијата соопшти дека и припадниците на антитерористичките агенции се вклучени во истрагата за нападот врз Кокс.
Претходно во петокот американска група за граѓански права соопшти дека тој Мејр претходно бил поврзан со една неонацистичка организација. Southern Poverty Law Center (SPLC), група чие седиште е во американската сојузна држава Алабама, на својата интернет страница објави дека наводно дошла до податоци коишто покажуваат дека Томас Маир бил поврзан со ненонацистичката организација Национален сојуз (NA), меѓутоа уште во 1999 година.
SPLC објави слики коишто, како што наведува, покажуваат нарачки за книги кои Мејр, чијашто адреса е наведена како Бетли во северна Англија, купил од издавачот на Националниот сојуз – „National Vanguard Books“ во мај споменатата 1999 година. Нарачката вклучува и прирачник за тоа како да се состави пиштол, изјави SPLC.
Британскиот премиер Дејвид Камерон изјави дека Џо Кокс „беше извонредна активистка со голем жар, големо срце..“. „Загубивме голема ѕвезда. Правилно е да ја суспендираме кампањата и во овој страшен момент сите сме во мислите со семејството на Џо и нејзините сограѓани“, рече Камерон.
Камерон, како челник на владејачките Конзервативци ѝ одаде почест на Кокс на бдеењето во Бристал, каде што пристигна заедно со водачот на Лабуристите, Џереми Корбин и со претседателот на парламентот, Џон Беркоу.
Џо Кокс, мајка на две малолетни деца, работела на претседателската кампања на американскиот претседател Барак Обама во 2008 година. Дипломирала на престижниот универзитет Кембриџ, и работела како хуманитарен активист пред да стане пратеничка на лабуристите за окрузите Батли и Спен во 2015 година. Беше позната по својата работа на женските прашања, и соработуваше и натаму со неколку добротворни организации./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Италија, почувствуван и во Словенија и Хрватска
Европско-медитеранскиот сеизмолошки центар (EMSC) соопшти дека вечерва во 22 часот и 20 минути, северниот дел на Италија е погоден од земјотрес со јачина од 5,0 степени според Рихтеровата скала.
Епицентарот на земјотресот бил на 13 километри од градот Толмецо.
Според првите податоци, земјотресот се случил на длабочина од 10 километри.
Се почувствува и во соседните земји, вклучително и Словенија и дел од Хрватска, пишуваат хрватските медиуми.
Европа
Бројот на жртвите во терористичкиот напад во Москва се искачи на 143
Руското Министерство за вонредни ситуации денеска соопшти дека бројот на загинати во терористичкиот напад на Crocus City Hall во предградието на Москва се искачи на 143.
Како што соопшти претходно денеска Рускиот истражен комитет, веќе се идентификувани телата на 84 жртви. Меѓу нив има пет деца на возраст од девет до 16 години.
Нападот на концертната сала Crocus City Hall во Красногорск кај Москва се случи во петокот вечерта, кога неколку вооружени терористи во маскирни униформи влегоа во објектот и отворија оган врз присутните.
Тие активирале експлозивни направи на повеќе места, што предизвикало пожар, поради што се урнал покривот, а концертната сала целосно изгорела.
Европа
Украинците погодија четири руски бродови во жесток ракетен напад
Во неделата, Украинците ја нападнаа руската Црноморска флота во Севастопол, во окупираниот Крим. Соработник на Форбс дава детална анализа на воениот потфат и последиците за двете страни. Првично беше кажано дека биле погодени два руски брода, но ажурираниот извештај на украинските власти вели дека во нападот биле погодени четири брода – со крстосувачки ракети „Storm Shadow“ или „SCALP-EG“, или можеби со ракети Neptune.
Меѓу оштетените пловни објекти, наводно, има два активни амфибиски брода од класата Ропуча, Јамал и Азов, како и неактивен јуришен десантен брод од истата класа по име Костијантин Олшански, кој Русија го заплени од Украина за време на инвазијата на Крим во 2014 година. Четвртиот оштетен брод е разузнавачкиот „Иван Хурс“, кој преживеа напад од беспилотни летала на украинската морнарица пред 10 месеци.
Иако сателитските снимки на Севастопол се чини дека потврдуваат оштетување на неколку бродови, тие не даваат докази за очигледното потонување на ниту еден од нив. Можно е сите четири брода да бидат поправени.
Сепак, овој напад барем привремено ја намали – за околу 15 проценти – црноморската флота, која пред војната броеше околу десетина десантни бродови. Пред една година, кога рускиот гарнизон во јужна Украина беше значително зависен од поморските комуникациски линии за транспорт на муниција до бригадите и полковите на фронтот, ова ќе беше огромен проблем за Кремљ.
Satellite images of all four project 775 ropucha-class landing ships in Sevastopol.
Near one of the ships, a trace of an impact on the pier is visible. Another ship is being towed into the dry dock. But on the satellite images provided, no significant damage to the ships is… https://t.co/wBcb5yWhJb pic.twitter.com/ThIJI1Fwvj— Special Kherson Cat 🐈🇺🇦 (@bayraktar_1love) March 24, 2024
Сепак, руските инженери неодамна ја завршија новата железничка рута меѓу Ростов во јужна Русија и Мариупол во окупирана јужна Украина, што значи дека повеќе нема потреба од транспорт на опрема по морски пат до руските војници на јужниот фронт. Железниците се релативно лесни за поправка и потешко се запираат од бродовите.
Тоа значи дека нападите врз руските десантни бродови не се толку проблематични за Москва како што беа порано. Меѓутоа, ако треба да изберат дали ќе ги уништат и оштетат руските бродови или не, Украинците природно ќе го претпочитаат првото.
Во две години жестоки борби, Украинците оштетија или потопија (со проектили или експлозивни поморски беспилотни летала) седум активни десантни пловила од класата Ропуча и еден десантен брод од класата Тапир. Уништија и еден крстосувач, подморница, брод за снабдување, неколку патролни чамци и две ракетни корвети, а оштетија и еден шпионски брод. Пред почетокот на војната, Црноморската флота броела околу триесет големи бродови.
Со ова темпо, црноморската флота би можела да стане нефункционална во следните 18 месеци до две години. Пошироката руска морнарица не може да направи многу за да го запре падот на флотата, бидејќи не може да се засили со големи бродови.
Големите бродови кои не можат да се движат по копно или реки мора да влезат во Црното Море преку Босфорот, кој е под контрола на Турција.
Таа земја не дозволува завојуваните страни да го користат преминот во време на војна.