Европа
Убиен опозициски новинар во Украина
Познатиот украински новинар и писател Олес Бузина убиен е во четвртокот пред влезот на зградата во којашто живеел во Киев, пренесоа украинските и руските агенции, повикувајќи се на полициски и болнички извори.
Бузина (46) бил погоден со четири истрели од огнено оружје, а еден куршум го погодил во главата, наведува УНН, додавајќи дека било пукано од автомобил во движење.
Портпаролката на киевската полиција Јулија Мусташ рече за РИА Новости дека Бузина е убиен од страна на двајца маскирани напаѓачи.
Интерфакс пренесува изјава на советникот на минситерот за полиција и пратеник во Врховната рада, Антон Герашенко кој на фејсбук напишал дека автомобилот марка „форд“ имал летонски или белоруски таблички.
„Очигледно ловот на сведоци во предметот „антимајдан“ продолжува, напиша Герашенко.
Бузина во јануари бил поставен за главен уредник на весникот Севодља, чиј издавач холдингот Севодња мултимедија е дел од групацијата СКМ на бизнисменот Ринат Ахметов.
Бузина на 11 март објави дека ја напушта функцијата поради цензура и отстуство на овластувања.
РИА Новости Украина наведува дека Бузина поддржувал федерализиција и двојазичност во Украина, а западните медиуми наведуваат дека бил проруски настроен.
Агенциите потсетуваат дека оваа е второ убиство за 24 часа, откако во среда вечерта беше убиен Олег Калашњиков поранешен пратеник од Паријата на регионите, на чие чело некогаш беше соборениот претседател на Украина Виктор Јанукович.
РИА Новости го пренесе коментарот на рускиот претседател Владимир Путин дека убиствата на Бузина и Калашњиков во Украина се политички и дека не се први, но дека тоа не се забележува во Европа или Северна Америка. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германија уапси две лица: соработувале со Русите, планирале да ја саботираат армијата
Две лица, кои освен германско државјанство имаат и руско државјанство, се уапсени во Германија поради наводно планирање саботирање на воени објекти, вклучително и американски, со цел да ја поткопаат воената поддршка за Украина, соопшти денеска германското обвинителство. Властите извршија претрес во домовите и работните места на двајцата осомничени, кои се обвинети дека работеле за странска тајна служба, се наведува во соопштението на обвинителството.
Еден од осомничените, идентификуван како Дитер С., разговарал за можни заговори со лице поврзано со руската тајна служба од октомври 2023 година, се посочува во соопштението.
Дитер С. подготвувал бомбашки напади и палење во воени објекти, вклучително и оние со кои управуваат американските сили, се додава во соопштението.
Според магазинот „Шпигел“, еден од објектите е воената база „Графенвоер“ во јужната сојузна држава Баварија, каде што украинските војници се обучуваат да управуваат со американските тенкови „Абрамс“. Руската амбасада во Берлин не одговори веднаш на барањето за коментар.
„Намерата на акциите беше да се поткопа воената поддршка што Германија и ја дава на Украина против руската воена агресија“, се вели во соопштението на германските обвинители.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.