Европа
Убијците на францускиот свештеник во видео изразиле лојалност на IS
Новинската агенција блиска на џихадистичката организација Исламска држава (IS) објави во средата видео на двајца мажи, наводно напаѓачите на црква во Франција кои му изјавуваат верност на челникот на оваа терористичка групација.
Видеото го објави новинската агенција Amaq ден откако двајца мажи влегоа во црква во францускиот град Руан, во Нормандија во текот на утринската богослужба, го присилиле 86-годишниот свештеник да клекне и го заклале, наведува агенцијата Reuters.Двајцата мажи се снимен како зборуваат арапски јазик и својот говор му го упатуваат на челникот на Исламската држава, Абу Бакр ал-Багдади. Едниот од нив држи лаптоп на кој се виори знамето на организацијата.Еден од напаѓачите кои беа убиени од полицијата, претходно минал неколку месеци во затвор поради двата обида во текот на 2015 година од Турција да се префрли во Сирија каде имал намера да се бори на страната на Исламската држава. Во март годинава бил пуштен во домашен притвор со електронски надзор, и притоа можел да ги напушта домот во периодот од 8,30 до 12,30 часот.Француските власти оценија дека цел на напаѓачите со колежот во црквата бил со убиството на свештеникот да се поттикне војна меѓу религиите во Франција Франција има пет милиони муслимани и половина милион евреи, покрај растечкото свртување на приврзаниците на десницата кон католицизмот.Парискиот дневен весник Le Figaro, во вторникот по заложничката драма во Руан за кој одговорноста ја преземаа џихадистите објави дека во нивното списание Dar al Islam, распространето во март годинава преку француските сервиси за споделување, се наведува повикот за напад на местата кои се групно посетувани од страна на цивили, како што се и светилиштата.„При извршувањето на секоја ваша операција, ќе морате да бидете сигурни во своите цели и морате да имате резервни опции за секој ваш основен план. Треба да ги имате за свои цели посетените места – туристичките објекти, синагогите, црквите, масонските ложи, седиштата на политичките партии“, го цитира Le Figaro текстот од исламистичкото списание./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.