Европа
Украинскиот парламент ја одби оставката на премиерот Јаценјук и го зголеми воениот данок
Украинскиот парламент не ја прифати во четвртокот оставката на привремениот премиер Арсениј Јаценјук и ги усвои преложените измени на буџетот со кои се зголемува неговата расходна страна во полза на армијата и се избегнува банкрот на државата преку зголемување на даноците.
Украинскиот парламент не ја прифати во четвртокот оставката на привремениот премиер Арсениј Јаценјук и ги усвои преложените измени на буџетот со кои се зголемува неговата расходна страна во полза на армијата и се избегнува банкрот на државата преку зголемување на даноците.
Одлуката за гласањето за (не)прифаќање на оставката беше донесена доцна вечерта минатиот петок на средбата на претседателот на Украина, Петро Порошенко, премиерот Арсениј Јаценјук и претседателот на Врховната Рада (парламентот) Олександр Турчинов. Дел од вонредната седница на парламентот во четврток се одвиваше зад затворени врати, и на неа се разговараше за падот на малезискиот „Boeiнг 777“ на 17-ти јули за кој Киев и САД без да изнесат конкретни технички податоци тврдат дека се соборен со проектил земја-воздух над источна Украина која ја контролираат проруските бунтовници.
„Го прифативме во целост законот кој го дополнува државниот буџет за 2014 година“, изјави спикерот на украинскиот парламент Турчинов.
Јаценјук бараше промени на буџетот за да се надвладее кризата која настапи со намалените приходи и ја зголеми вкупната потрошувачка. Бараше да се одобрат дополнителни 9,1 милијарди гривни, околу 750 милиони американски долари.
Покрај тоа Врховната Рада, на затворената седница во четвртокот направи измени во украинскиот даночен законик воведувајќи привремен данок од1,5 отсто на платите на вработените, извести по седмицата Турчинов. Според плановите на украинските власти, овој данок би требало да биде на сила до крајот на годината како дополнување на данокот на физички лица, а сите приходи од него ќе бидат насочени кон финансирање на вооружените сили.
„Со цел да се обезбеди финансирање на подобрувањето на одбранбените способности на земјата, предложено е привремено до 1-ви јануари 2015 година, да се воведе ново оданочување – воен данок. Овој данок ќе се наплаќа по стапка од 1,5 отсто од персоналниот данок за физичките лица во форма на пари и други стимулации и компензации за исплата… “, се наведува во делот од предлог законот во кој увид имаа украинските медиуми.
Владата во Киев очекува со него да оствари приход од 2,9 милијарди гриви, или 241 милион долари.
Премиерот Арсениј Јаценјук, минатиот четврток објави дека поднесува оставка, откако две партии од парламентарното мнозинство решија да излезат од коалицијата со што му се создаде простор на претседателот Порошенко да распише избори во октомври, токму во екот на економската криза и во вооружениот судир со проруските бунтовници. Порошенкој, пак, се огласи по повод оставката минатиот петок и изрази надеж „во продолжување на соработката“ со Јаценјук.
Поднесувајќи ја оставката Јаценјук предупреди на драматичните последици од распуштањето на коалицијата за Украина. Истакна дека важните закони не се изгласани, прашувајќи кој би гласал за непопуларните закони пред изборите. Го оцени како морално и политичко злосторство поради ставањето на тесните партиски интереси на коцка судбината на земјата. Јаценјук се реши на овој чекор откако беа блокирани предложените закони за енергетиката и ребалансот на буџетот во врска со зголемувањето на воените трошоци.
Двете парламентарни групи, УДАР на Виталиј Кличко кој стана градоначалник на престолнината Киев со поддршка на претседателот Петро Порошенко во чија полза претходно ја повлече својата претседателска кандидатура, и националистичката партија Слобода, за која се врзува ултранационалистичкото движење Десен сектор, како и фракционери од пратеничката група на најбројната партија Баткившчина (Татковина) на поранешната премиерка Јулија Тимошенк го објавија растурањето на мнозинската парламентарна коалиција што ќе овозможи распуштање на актуелниот состав на Врховната Рада.
„Сметаме дека во сегашната ситуација парламентот кој ги штити државните криминалци и руските агенти, кој одбива да им го укине имунитетот на оние коишто работат за Кремљ, не треба ни да опстане“, изјави челникот на Свобода, Олег Тјагнибок.
Украинскиот претседател Петро Порошеко го поздрави излегувањето на двете партии од владејачката парламентарна коалиција, истакнувајќи дека „Украинците сакаат целосно нов почеток“./крај/мф/сн
Извор: ukraina, jacenjuk, danok,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.