Европа
Украинскиот премиер Јанценјук поднесе оставка
Украинскиот премиер Арсениј Јаценјук во неделата во директен телевизиски пренос поднесе оставка на должноста и индиректно за свој наследник го посочи претседателот на парламентот Володомир Гројсман, кого уште во март го поддржа блокот на украинскиот претседател Петро Порошенко.
Арсениј Јаценјук даваше отпор на притисоците да си поднесе оставка уште откако на неговата влада во февруари ѝ беше изгласана недоверба, меѓутоа политичката криза во Украина се продлабочи и ја растури владејачката коалиција.
Со тоа се усложнува и онака тешката економска ситуација во земјата, бидејќи се одложува и исплатата на ратата од помошта на Меѓународниот монетарен фонд (ММФ) од вкупно 17,5 милијарди американски долари во следниве години.
„Одлучив да поднесам оставка на должноста премиер на Украина. Во вторник, 12-ти април, моето барање ќе биде поднесено до парламентот. Политичката криза во земјата е вештачки создадена. Желбата да се смени една личност ги заслепи политичарите и ја парализираше нивната политичка волја за висински промени. Процесот на промени во владата се претвори во безумно трчање во место“, порача Јаценјук кој на премиерската должност дојде на 27-ми февруари 2014 година кога на власт дојдоа прозападните сили кои го соборија прорускиот претседател Виктор Јанукович. Во ноември истата година по парламентарните избори беше потврдена неговата функција.
Јанценјук во обраќањето повика на брз избор на нова влада за да не се дозволи дестабилизирање на извршната власт во земјата. Во врска со тоа, посочи дека неговата партија Народен фронт ќе остане во парламентарната владејачка коалиција со фракцијата на претседателот Порошенко, кои следната седмица требаа да најават формирање нова коалиција.
„Парламентарната група Блокот на Петро Порошенко на премиерската должност го кандидираше Володомир (Владимир) Гројсман. Имајќи предвид дека сторив сé за да ги гарантирам стабилноста и континуитетот на нашата досегашна политика, ја објавувам одлуката за преносот на обврските и одговорностите“, рече Јанценјук.
Претседателот Порошенко претходно во средата изјави дела е подготвен да ја прифати кандидатурата за новиот премиер, што ќе ја добие.
Во февруари владата предводена од Јаценјук не ја доби довербата на пратениците во украинската Рада, но пртениците не можеа да издејствуваат нејзина оставка. Тоа доведе до политичка криза, бидејќи пратениците одбија да соработуваат со премиерот, а навраќањето на прашањето за неговата оставка според законот не беше можно пред септември./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.
Европа
Кремљ за евентуалното блокирање на „Телеграм“: „Сè повеќе станува алатка во рацете на терористите“
Портпаролот на Кремљ, Дмитриј Песков, денеска изјави дека во моментот не се планира блокирање на социјалната мрежа „Телеграм“ во Русија.
„Не, во моментот нема такви планови“, изјави Песков за каналот „Шот“ на прашањето дали Русија планира да го блокира „Телеграм“.
Тој додаде дека основачот на оваа платформа, Павел Дуров, треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација сè повеќе станува алатка во рацете на терористите, се користи за терористички цели“, рече портпаролот на Кремљ, пренесува „РИА новости“.
Како што изјави во средата за „РИА новости“ извор запознаен со ситуацијата, сторителите на терористичкиот напад во предградието на Москва биле регрутирани преку каналот на „Телеграм“, „Глас Хорасан“, сопственост на авганистанското крило на Исламската држава.
Пратеникот на државната Дума од Обединета Русија, Олег Морозов, денеска оцени дека е неопходно да се развие механизам за автоматско блокирање на каналите на „Телеграм“, кои регрутираат терористи користејќи клучни зборови користејќи вештачка интелигенција.