Европа
Улиците на Париз ќе бидат исчистени од ѓубрето уверува градоначалничката
Градоначалничката на Париз, повика целото ѓубре да биде исчистено до улиците на главниот град, во петок, кога почнува Европското првенство во фудбал.
Градоначалничката Ан Идалго, вети решение во последната минута, за да се собере целото ѓубре во градот кое се насобра последните денови, поради штрајкот на ѓубреџиите. „Сето ѓубре ќе биде собрано“, вели Идалго, за BFM TV во петок наутро.Прашана кога ќе се случи тоа, таа додава: „сега, денеска“, додавајќчи дека работниците во комуналното претпријатие веќе го отстрануваат ѓубрето кое во купишта стоеше во половина од главниот град на Франција, последните неколку дена. Идалго рече дека во четврток биле пуштени дополнителни 50 камиони за собирање ѓубре, а во петок ќе се пуштат уште 30.Ѓубрето се собираше во последните денови поради штрајкот на ѓубреџиите кои го блокираа патот го камионите за собирање ѓубре, во десет од 20 арондисмани.Купишта ѓубре има и во Марсеј и во Сент Етјен, два града кои се домаќини на Еуро 2016, но за таму нема најави кога би било тргнато.Ако се исчисти главниот град од ѓубрето, тоа ќе биде олеснување за жителите, затоа што ѓубреџиите се закануваа дека нема да работат до вторник.Штрајкот е дел од поголемо движење во последните месеци во Франција, кога се протестира против реформите во работничките права, со кои ќе се овозможи полесно вработување, но и полесно отпуштање од работа.Покрај овој штрајк, Еуро 2016 беше загорозено и од штрајкот на железниците, па многу фанови мораа да бараат алтернативен начин на прево, а тука е и штрајкот на пилотите на „Air France“, поради што некои летови ќе бидат откажани, и повторно, некои навивачи кои сакаат да присуствуваат на натпреварите во фудбал, можеби нема да стигнат, или ќе бараат друг превоз.Сепак, во петок вечер во 21 часот, официјално почнува турнирот во фудбал на стариот континент со натпреварот меѓу домаќинот Франција и Романија во Париз. Следниот месец е резервиран за љубителите на овој спорт./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.