Европа
Унгарија: Хрватска ја изневери ЕУ со пуштањето на мигрантите
Хрватска ги изневери Унгарија и Европската унија, со небранењето на соодветен начин надворешната граница на Унијата, изјави во саботата портпаролот на унгарската влада.
„Хрватска ја изневери не само Унгарија, туку и Европската унија и се откажа до сите свои правни обврски“, изјави портпаролот Золтан Ковач на прес-конференцијата во Мохач. Хрватска без преки ги доведува бегалците на унгарската граница, додаде.
Советникот за безбедносни прашања на унгарскиот премиер, Ѓерѓи Баконди, на истата прес-конференција изјави дека Хрватска кон Унгарија испратиле во петокот околу 8.000 мигранти. Не очекува дека приливот ќе се намали или забави, додаде. Но истакне дека, како и сите други, и тие биле регистрирани согласно законите на ЕУ.
Во меѓувреме Хрватска објави дека до 11 часот во саботата, по засилените мерки и контроли од унгарската страна на границата, на хрватска територија влегле 20.737 луѓе, според тамошното министерство за внатрешни работи.
Бегалците и натаму ќе бидат превезувани со автобуси и возови на граничните премини Горичан и Ботово, како и на словенечкиот дел лај Брегана, и Хармица, изјави со саботата хрватскиот министер за внатрешни работи Ранко Остојиќ. Претходно шефот на кабинетот на унгарскиот премиер Виктор Орбан, Антал Роган, изјави дела Унгарија би можела да го блокира пристапувањето на Шенгенскиот простор на Хрватска, доколку таа не успее да ги одбрани надворешните граници на ЕУ.
„Доколку Хрватска крене раце и каже не, не сакам да ги бранам границите, тогаш Унгарија може само да каже дека таа не е подготвена за приклучување на Шенген кога ќе дојде моментот да се одлучува“, порача Роган во разговорот за Info Radio.
Унгарија ноќта кон саботата го заврши поставувањето на оградата од бодликава жива по должина на 41 километар од нејзината граница со Хрватска. Другите 330 километри од границата меѓу овие две земји ги прави реката Драва, која е тешка за преминување./крај/мф/сн
Извор: Reuters/Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.