Европа
Важни избори за Меркел за градот-сојузна покраина Берлин
Вo германската престолнина Берлин, кој воедно е и сојузна покраина, во недела се одржуваат избори за локалниот Сенат, а според анкетите, се предвидуваат губење на гласачите за владејачката Социјалдемократската партија на Германија (SPD) и на Христијанско-демократската унија (CDU), како и влегување на десната евроскептичната и антидоселеничка Алтернатива за Германија (AfD) во локалниот парламент.
Четирите најголеми партии во Берлин – SPD, CDU, Зелените и Левицата во анкетите се движат околу 20 отсто, додека за AfD се предвидува освојување на 10 до 15 отсто од гласовите, што би претставувало успех на оваа релативно нова партија, но која е во силен подем по минтогодишната бегалска криза која ја преплави Германија.
Исто така, се предвидува и крај на коалицијата меѓу SPD и CDU во Берлин,а најголеми шанси аналитичарите даваат на формирање на локална влада меѓу SPD, Зелените и Левица, со социјалдемократите како најголем партнер.
Меѓутоа, анкетата која ја објави во петокот јавниот сервис ZDF во соработка со Politbarometer Extra, во Берлин најголема поддршка има SPD с 23 отсто од гласачите, на CDU со 18, Зелените може да освојат 15 отсто а Левица 14,5 проценти, додека AfD доаѓа до 14 отсто поддршка меѓу гласачите во покраината на германската престолнина. Уште сено Слободната демократска партија (FoDP) со 6,5 отсто го минува изборниот праг од отсто.
За споредба, во 2011 година SPD освои 28,3 отсто од гласовите, CDU – 23,3 отсто, Зелените – 17,6 отсто, Левица – 11,7 проценти, Пиратската партија – 8,9 отсто, а другите партии не го минаа изборниот праг.
Главната тема на кампањата беше бегалската криза што ѝ одеше на рака на AfD, како партија која најмногу профитира од кризата и критиките за политиките на сојузната влада во кога седат владејачките на сојузно ниво демохристијани на канцеларката Мерел и социјалдемократите, кои во обратен сооднос ја сочинуваат и власта во Берлин.
Меѓутоа, за разлика од источните германски сојузни покраини каде AfD доживеа историски резултати и првпат влезе во некои покраински парламенти со солиден број застапници, во Берлина, кој од почетокот на бегалската криза вдоми околу 80.000 луѓе, не се очекува сензационален успех, но се оценува дека и споменатата поддршка е голем успех за партијата на Фрауке Петри.
Незадоволството на граѓаните од справувањето со мигрантската криза, има и незадоволство од работата на градските власти и лошата состојба на инфраструктурата. Незадоволството на жителите е насочено и он вртоглавиот раст на станарините, коишто, иако до неодамна Берлин важаше за поволно место за живеење, го надминаа германскиот просек.
По успесите на AfD на годинешните избори во покраините како Горна Саксонија и Мекленбург – Западно Поморје, кога според бројот на гласовите ги мина етаблираните партии како SPD и CDU, со голем интерес се очекуваат резултатите од изборите во Берлин, како нов показател на гласачите на една година пред парламентарните избори.
Нов тежок пораз на CDU може да биде дополнителен притисок врз Ангела Маркел, која и натаму е истрајна на нејзините принципи во имигрантската криза./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.