Европа
Веќе 12 жртви во нападот врз редакцијата на Charlie Hebdo, осуди од сите страни – видео
Веќе дванаесет лица, од кои двајца полицајци, се меѓу жртвите а десетина се ранети од кои некои тешко во нападот кој го извеле најмалку двајца маскирани напаѓачи врз редакциите на неделникот Charlie Hebdo во центарот на француската престолнина Париз, во незапаметен напад врз новинарска институција, а осуди пристигнуваат од сите страни.
Веќе дванаесет лица, од кои двајца полицајци, се меѓу жртвите а десетина се ранети од кои некои тешко во нападот кој го извеле најмалку двајца маскирани напаѓачи врз редакциите на неделникот Charlie Hebdo во центарот на француската престолнина Париз, во незапаметен напад врз новинарска институција, а осуди пристигнуваат од сите страни.
Француските медиуми објавија фотографии и снимки кои покажуваат како избегале напаѓачите кои ја нападнаа редакцијата. Како што пренесува телевизијата BFM TV, терористите извикувале „Се одмаздивме за пророкот Мухамед, го убивме Charlie Hebdo“.
Францускиот претседател Франсоа Оланд веднаш пристигна на местото на трагедијата која се случи во резиденцијалниот кварт Ил-де-Франс, на француската престолнина Париз, нарекувајќи го овој настан „терористички напад“ и „чин на извонредно ѕверство“. Станува збор за најсмртоносниот напад строен на територијата на Франција во последните најмалку 40 години.
Премиерот Маниел Валс изјави дека „сите методи ќе бидат искористени за утврдување на личностите, за да се најдат и да се уапсат извршителите на нападот“.
Освен 12-те убиени, четири од ранетите лица се во „критична состојба“, изјави претседателот Оланд, повикувајќи на „национално единство“.
Итниот состанок на владата започна во 14 часот по локално време, објави Елисејската палата. Во париската област степенот на приправноста е кренат на најголемото новина, објави кабинетот на премиерот Валс.
„Околу 11,30 часот двајца мажи во црни качулки вооружени со машинки ‘калашников’ и рачен фрлач на ракети упаднаа во редакцијата на Charlie Hebdo во парискиот 11-ти арондисман. Дојде до размена на оган со полициските службеници“, изјавил за AFP неименуван извор близок на истрагата.
Бегајќи од местото на нападот, двајцата напаѓачи со куршум раниле полицаец, под закана со оружје запреле автомобил и побегнале со него, притоа соборувајќи на почва еден случаен минувач.
„Слушнав истрели, видов луѓе со фантомки кои заминуваат со автомобил, ги имаше најмалку петмина.“, изјавил очевидецот Мишел Голденберг кој работи во канцеларија во истата лица „Никола Апер“ во кој се наоѓа редакцијата на неделникот. Друг сосед изјави дека слушнал „триесетина истрели во текот на десетина минути“.
Веднаш по нападот НАТО и Европската унија силно го осудија терористичкиот напад врз редакцијата на сатиричкиот неделник Charlie Hebdo.
Силно го осудувам терористичкиот напад врз просториите на неделникот Charlie Hebdo во Париз. Тоа беше варварски акт и срамотен напад врз слободата на медиумите. Сите членки на НАТО се обединети во борбата против тероризмот. Тероризмот во сите негови облици и манифестации никогаш не може да се толерира ниту да се оправда“, се вели во изјавата генералниот секретар на НАТО, Јенс Столтенберг,
Претседателот на Европската комисија, Жан-Колд Јанкер, изјави дека е шокиран од бруталниот напад. „Длабоко сум шокиран од бруталниот и нехуман напад врз редакцијата а Charlie Hebdo .Тоа е акт кон не може да се толерира, варварство кое сите не доведува во прашањето и не опоменува и како човечки суштества и како Европејците“, изјави Јункер, изразувајќи солидарност со Франција.
Белата куќа најостро го осуди нападот врз редакцијата на сатиричниот неделник, „Белата куќа се солидализира со семејствата на убиените и ранетите во тој напад“. Високи функционери на Белата куќа се во близок контакт со француските колеги. САД се подготвени да соработуваат со Французите и да помогнат во водењето на истрагата“ изјави портпаролот на Белата куќа, Џош Ернест за телевизиската мрежа MSNBC.
Германската канцеларка Ангела Меркел истакна дека нападот во Франција не е само напад врз француските граѓани и нивната безбедност, туку и врз слободата на медиумите и говорот. „На ниеден начин не може да боде оправдан“, се наведува во писмената изјава на Меркел, Истакнува дека Германија е со Франција во „овие тешки медиуми“.
Британскиот премиер Дејвид Камерин го осуди „грозниот терористички напад“ и изрази солидарност со Франција. Убиствата сторени во Париз се грозни. Ние сме со францускиот народ во борбата против тероризмот и за заштита на слободата на медиуми“, наведува Камерон на Twitter. Само неколку минути подоцна Камерон го отвори заседанието на британскиот парламент и повија на единство со Франција соочена со тероризмот.
Шпанија во средата го осуди „подмолниот и кукавички терористички напад“ и се заложи за слобода на медиумите како „темелно право“. „Со ужасот ја слушнавме веста за подлиот и кукавички напад врз редакцијата на Charlie Hebdo во Париз“, се вели во соопштението на шпанската влада во соопштението. Владата во Мадрид во името на шпанскиот народ изрази најостра осуда во тој напад, „Шпанија најсилно ја брани слободата на печатот како темелно и неоттуѓиво право“, се додава во текстот,/крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.