Европа
Велика Британија би можела да излезе од ЕУ до 2019-та година
Преговарачите на Велика Британија и ЕУ во процесот на Brexit, Дејвид Дејвис и Гај Верхофстад оцениле дека Велика Британија би требало да излезе од ЕУ пред изборите за Европскиот парламент во 2019-та година, а според Дејвис вистинсктие преговори би можеле да започнат во мај следната година, пренесува Politico.
„Се договоривме дека процесот треба да започне што поскоро и секако да заврши пред следните европски избори. Просторот за преговори е некаде од 14 до 16 месеци“, рекол Верхофстад. Преговарачот на Европскиот парламент (ЕП) за Brexit изјавил дека неговата „црвена линија“ во преговорите е заштита на четирите основно слободи на ЕУ и додал дека на Дејвис му пренел дека пристапот до единствениот пазар на ЕУ не може да се одвои од правото на граѓаните за слобода на движење во рамките на Унијата.
Тој рекол дека крајниот резултат од преговорите „мора да биде блиско партнерство меѓу ЕУ и Велика Британија во интерес на граѓаните“, како и дека перидот на преговори ЕУ треба да го искористи како шанса да работи на „реформирана и поефикасна ЕУ“. Верхофстад изразил желба правата на оние 48 отсто британски граѓани кои гласале за останување во Унијата да бидат заштитени, изјавил неговиот портпарол.
Дејвис во вторн икот побрала состанок и со лидерот на социјалистите во Европскиот парламент, Џани Питела, но ило доцна Питела да ги промени плановите, изјавиле извори од групата на социјалистите во ЕП. Од друга страна, пак, Манфред Вебер, лидерот на Европската народна партија, која е најголемата група во ЕП, ја критикувал британската влада.
„Не слушнав ништо ново, односно како британската влада сака да го реши Brexit“, рекол Вебер по средбата со Дејвид и додал дека потребно е британската влада да изнесе јасни ставови за преговорите околу излегувањето од ЕУ. Тој додал дека Британците имаат интерес да ја задржат врската со единствениот пазар на ЕУ, но дека останува отворено прашање на кој начин сакаат да го остварат тоа./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.