(Видео) Украинците го нападнаа магацинот на Лукоил

Во текот на ноќта, Украина нападна магацин за нафта во јужната руска покраина Ставропол, а експлозиите одекнаа и во Московската област, каде што беше активирана воздушната одбрана, пишува The Kiev Independent.

По нападот, избувна пожар во магацинот за нафта на Лукоил-Југнефтепродукт, објави каналот Exilenova Plus на Telegram. Во исто време, независниот руски медиум Astra објави, повикувајќи се на локалните жители, дека нападите се случиле во блиското село Вјазники.

Ставрополье край сегодня утром лидирует в нашем рейтинге зрелищности горения очередных НПЗ. Это нефтебаза в Михайловском. Бензина не будет. pic.twitter.com/nWaZGiSFju

— ⭐️Oles Filonenko⭐️ (@FilonenkoOles) July 13, 2026

Михајловск, предградие на градот Ставропол, е оддалечен приближно 365 километри од најблиската точка во Украина, во близина на окупираниот Мариупол, и околу 620 километри од територијата контролирана од Украина во регионот Запорожје.

Подоцна во текот на ноќта, експлозии беа регистрирани и во градот Солнечногорск во Московската област, каде што исто така дејствуваше воздушната одбрана, соопшти Exilenova Plus.

💥Прикурили Нафтобазу у Михайлівську
Ставропольський край pic.twitter.com/qUViEQlfab

— hulyneuley (@hulyneuley) July 13, 2026

Само неколку дена претходно, голем пожар избувна во складиштето за нафта Ставрополскаја во селото Вјажники, исто така во јужна Русија, а Безбедносната служба на Украина (СБУ) објави дека пожарот продолжува да се шири.

Според СБУ, украинските беспилотни летала ја погодиле и фабриката Краснаја Звезда во Тверската област, каде што исто така избувнал пожар. Украина редовно извршува напади врз воената инфраструктура длабоко на руска територија и на окупираните територии, обидувајќи се да ја намали способноста на Москва да продолжи да води војна.