Европа
Во Австрија во првите акциите уапсени пет криумчаири и 200 бегалци
Австриската полиција во рамките на новата операција на засилена контрола на граничните области во понеделникот уапсила пет шверцери со луѓе и запрела околу 200 бегалци, изјавија високи полициски функционери на прес-конференција.
Директорот за јавна безбедност во министерството за внатрешни работи Конрад Кеглер изјави „Во првите часови од примената на мерките коишто ги усогласивме со Германија, Унгарија и Словачка, успеавме во разни возила да откриеме 200 бегалци и уапсивме пет криумчари суд“.
Австриската министерка за внатрешни работи Јохана Мил-Лејтнер изјави дека контролите спроведен во граничното подрачје не се гласични гранични контроли и дека со нив не се прекршуваат шенгенските прописи.
Австрија ги зајакна контролите на источните граници кон Унгарија, Словачка, Словенија и Чешка, откако напуштен камион со 71 мртви бегалци беше откриен во четвртокот беше откриен на австриски автопат на кој влегол од Унгарија.
На унгарскиот дел од автопатот кој ги поврзува Будимпешта и Виена во понеделникот почнаа да се создаваат километарски колони, откако Австрија воведе построги контроли, пренесе унгарската новинска агенција MTI.
На автоматот М1 колоната достигнала должина од 20 километри, а колони почнале да се создаваат на другите унгарски сообраќајници кон Австрија.
Во изминатите три дена унгарската полиција привеле 8.792 мигранти кои илегално влегле во Унгарија, главно од Србија./крај/мф/сн
Извор: APA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.